“Nalinga pakabalilo aka abandu pakisu kyosa batikubina fiyo nimbungo ya COVID-19 bo muno syayilile pabwandilo, sitikusanusya ukuti imbungo iyi yimalike.. . . Tutikukayikila ukuti nkyeni imbungo iyingi yibaghile ukwanda kangi tukulondiwa ukuya maso.”​—Dr. Tedros Adhanom unkulumba wa kabughatila ka World Health Organization, May 22, 2023.

 Imbungo ya COVID-19 yipangisye ukuti abandu bingi baghaneghe nindamyo isyakukindanakindana isyakufwana nu bumi bwabo kangi indamyo yaminong’ono. Ngimba amaboma nifibughatila ifyakuketesya isya bumi fibaghile ukumasya indamyo isi tubaghile ukwaghana nasyo linga imbungo iyingi yibaghile ukwanda, kangi ngimba babaghile ukututula pandamyo syitu isi tukwaghana nasyo pakabalilo aka?

 Ibaibolo likuyoba ukuti lilipo iboma ili lisakutwala ubutuli bwa bumi ubununu ubu tukulondiwa. Likuyoba ukuti ‘Kyala wakumwanya isakubwimika ubunyafyale’ pamo ukuti iboma. (Danieli 2:44) Iboma ili linga lyandile ukulaghila pakisu kyapasi, “atisakuyapo yumo umundu mbenekisu uyu isakuyoba ukuti, ‘Ndi mbine.’” (Yesaya 33:24) Aliwesa isakuyagha numbili unnunu kangi tutisakukangalagha.—Jobu 33:25.