Ukufika Pakihano Febuluwale 24, 2023, pisakuya ukuti pakindile ikyinja kimokyene ukufuma apa ubwite bwalyandile ku Ukraine. Ukufwana namalipoti ghamo fikunangisya ukuti abasilikali pabupipi 300,000 aba ku Ukraine na ku Russia baghoghiwe pamo ukufulasiwa, kangi abandu pabupipi 30,000 baghoghiwe pabwite ubu. Loli ikibelengelo iki lumo kibaghile ukongelela.

 Syakitima ukuti ubwite ubu bukukindilila kangi pakaya ulusubilo lulilosa ukuti ubwite ubu bubaghile ukumalika mwalululu.

•   “Ukwanda itolo pakabalilo aka abasilikali ba Russia balingile nkisu kya Ukraine, pakaya ikimanyikilo kilikyosa ikyakuti ubwite ubu bubaghile ukumalika mwalululu. Akayapo aliwesa uyu ikunangisya ukuti abaghile ukutola pabwite ubu kangi fyakukayikisya linga babaghile ukukolelana ukuti bamasye ukuleke ukukolelana uku kulipo.”—NPR (National Public Radio), February 19, 2023.

 Fyakupilikiwa ukuti abandu bingi bikwiyaya panongwa yafyakubaba nukutamiwa panongwa yabwite ubu kangi namabwite aghangi agha ghikwandisya indamyo ku bandu abasita nongwa nayimo. Ngimba Ibaibolo likutupa ulusubilo luliku pankhani iyi? Ngimba ubwite bwisakumalika naloli?

 Ibaibolo likuyoba ukuti pali ubwite ubu bwisakubapoka abandu abafikolo fyosa komma ukubonanga. Ubwite ubu bukumanyiwa ukuti Armagedoni, kangi bukuyobiwa ukuti “ubwite ubwa pisiku ilikulumba ilya Kyala Umwenemaka ghosa.” (Ubusetuli 16:14, 16) Kyala isakubombela ubwite ubu ukumasya ubulaghili bosa ubwa bandu ubu bukupangisya ubwite bwingi pakisu apa. Ukuti mumanye muno Armagedoni yisakubombela ukuti paye ulutengano kwa bwila na bwila, belenga inkhani isyakukongapo isi:

•   “Kasi Nkhondo ya Aramagedoni Ni Vichi?”

•   Armagedoni Nkhani Yakuhobosya Fiyo!”