“Ukuchenja kwa kabalilo kukutwala indamyo nyingi kubandu, mmatawuni na kukipeliwa. Panongwa yakuchenja kwa kabalilo ifula yikutima iyamaka fiyo, kangi isi sikonanga inyumba, sikupangisya kangi ukuti ubumi bwa bandu buye bwakutamya fiyo pakisu apa. Amisi gha mu basumbi abanywamu ghandile ukupya. Isi sikubika fiyo pangozi ubumi bwa finyamana ifi fikwaghiwa mu basumbi aba, kangi ifinyamana fingi fikufwa.”—Ayobile isi yo Inger Andersen, uwa nkabughatila ka United Nations uyu yo nkulumba kangi wa kabughatila ka UN Environment Programme, July 25, 2023.

 Ngimba amaboma ghabaghile ukukolelana ukuti ghamasye indamyo sya pakisu apa? Ngimba amaboma ghabaghile ukusyagha injila isyakumasyila indamyo isi kwa bwila na bwila?

 Ibaibolo likuyoba isya boma ili lisakufwanisya ukusosyapo indamyo syosa isi sikupalamasya ikipeliwa. Likuyoba ukuti “Kyala wakumwanya isakubwimwika ubunyafyale,” iboma ili lisakulaghilagha ikisu kyosa kangi lisakumasya indamyo syosa. (Danieli 2:44) Ubunyafyale ubu linga bwandile ukulaghila, abandu ‘batisakufulasaniagha pamo ukonanga’ ikisu kyapasi.—Yesaya 11:9.