Ukufwana na isi Catholic News Service yalembile, palukomano lwa ku St. Peter’s Basilica ulu lwabombiwe pa March 25, 2022, Papa Francis alimile pabupipi ni kifwani kya Maria “alighele amaso ghake, alinkwinama nu kwanda ukwiputa kimyemye.” Umwene “ansumagha Maria” ukuti paye ulutengano. Inyuzipepala yimo iya ku Vatican yalembile kangi ukuti “Papa aliputile mwapadela kwa Maria Umwikemo ukuti abape abandu indumbula yakisa, fiyofiyo abandu ba ku Russia na ku Ukraine.”

 Ngimba umwe mukuketa bulebule? Fili kanunu ukuti twiputeghe ku fifwani pamo ukufimbombesyela imbombo pakwiputa? Keta amavesi gha mu Baibolo agha:

•   “Komma ukwitendekekesya ikifwani kya kandu kamo aka kali kumwanya, pamo aka kali pa kisu kya pasi apa, pamo ikya kandu kamo aka kali mmisi kusi ku kisu. Ungafibungulukilagha pamo ukwiputako, buno une Yehova Kyala wako ndi Kyala wa bufi.”—Ukusoka 20:4, 5. a

•   “Ififwani fya bakyala babo yo yu siliva na golide, mbombo ya maboko gha bandu itolo. Fili nayo imilomo, loli fitikuyoba, ghope na maso fili nagho, loli fitikuketa. Fili nasyo imbulukutu, loli fitikupilika, fili nasyo imbulo, loli fitikunusya. Fili nagho amaboko, loli fitikupalamasya, fili na malundi, loli fitikwenda, kangi ingolomilo syabo sitikusosya amasyu. Aba bikufitendekesya bo bafwene itolo nafyo, mo mumo bayilile itolo naba bikufisubila.”—Salimo 115:4-8.

•   “Yuyune nimwene, ne Yehova Kyala winu, Ndikuyabanamo siku ubukulumba bwangu na kyala uyungi. Fyope nififwani ndisakufyitikisyamo siku ukuyabana nanine amapalo ghanngu.”—Yesaya 42:8.

•   “Amwepukengeko kukwiputa kufifwani.”—1 Bakorinti 10:14.

•   “Mwandeghe kufifwani fya bakyala.”—1 Yohani 5:21.

 Ukuti mumanye nyingi isyakufwana na isi Ibaibolo likuyoba pa nkhani yakubombela imbombo ififwani pakwiputa, belenga inkhani iyakuti “Zimene Baibulo Limanena Zifaniziro” pamo ketelela ividiyo iyakuti, Ngimba Kyala Ikwitikisya Ukubombela Ififwani Pakwiputa?

 Lumo mubaghile ukulonda ukumanya nyingi isya isi Ibaibolo likuyoba pa nkhani isi:

•   “Ngimba Ibaibolo Likumanyisya Isyafiki Pakuyoba Isya Maria Virigo?”

•   “Kodi Kupemphera kwa Mariya Virigo N’koyenera?”

•   “Miracles and Apparitions—Signs From God?

•   ““Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?”

Photo credit: Vincenzo Pinto/AFP via Getty Images