Abandu bingi bikuketa ukuti agha minong’ono itolo agha ghakabaghila ukubombiwa.

•   António Guterres uyu Ndembi wakabughatila ka UN ayobile ukuti: “Pakisu kyosa, amagulu gha bandu kangi ubumi bwa isiku ni siku bukusofanisiwa panongwa yakusalana uku kuli bo muno ayilile poizoni.”

 Ngimba sibaghile ukubombiwa ukuti abandu abafikolo fyosa babombeliweghe ifindu mwakufwana itolo? Ngimba Ibaibolo likuyoba isyafiki?

 Ibaibolo likutumanyisya muno Kyala ikufiketela ifikolo ifyakukindanakindana ifya bandu.

•   “Ifyene ifikolo fya bandu yo [Kyala] afipelile ukufuma mmundu yumoywene, ukuti fiyengeghe posa pamwanya pakisu.”​—Imbombo sya Batumiwa 17:26.

•   “Kyala atikunsalila umundu mbundu bwake, loli mfikolo fyosa uyu ikuntila nukubomba ingolofu, yo uyu umwene ikumwambilila.”​—Imbombo sya Batumiwa 10:34, 35.

 Ibaibolo likuyoba ukuti twesa tuli mbumba yimoyene kangi ikumwambilila umundu aliwesa ukufuma mfikolo fyosa.

 Ukukindana ifikolo kwisosiwapo nu Bunyafyale bwa Kyala ili lyo boma lya kumwanya. Iboma ili lisakubamanyisyagha abandu muno babaghile ukubombela ifindu na bangi munjila inunu. Abandu bisakumanyilagha muno babaghile ukumasyila ukusalana kulikosa uku bali nako.

•   “Aba bayengile nkisu [bisa] kumanyila isya bugholofu.”​—Yesaya 26:9.

•   “Namanga umundu wesa isakubombagha isya bugholofu, kangi abandu bisakutengana fiyo, bisakuya ndutengano bwila na bwila.”​—Yesaya 32:17.

 Amasiku agha, abandu amamiliyoni mingi bikumanyila ukufuma mu Baibolo muno babaghile ukubombela ifindu ndughindiko na bangi.

•    Ukuti mumanye nyingi, belenga inkhani ya mu Wukani! iyakuti, Kasi Chilipo Icho Chingamazga Sankho?

•   Belenga inkhani iyakuti “Kudumbiskana na Ŵana Vyakukhwaskana na Kusankhana Mitundu” ukuti abapapi bamanye muno babaghile ukubombela pakuyobesania na banabo inkhani iyi.