Pa Meyi 24, 2022, ikindu ikyakitima fiyo kyabombiwe mu tawuni inandi iya Uvalde, Texas, U.S.A. Ukufwana ni Nyuzipepala ya New York Times, “umundu uyu ali ni ndusu aghoghile abana ba sukulu 19 na bamanyisi babili . . . pa sukulu ya pulayimale ya Robb.”

 Ikindu kyakitima fiyo kyakuti, ifindu fyabugabenga bo ifi fikubombiwa fiyo. Inyuzipepala ya USA Today yatile ku United States kwene, “ikyinja iki kyamalikagha ubugabenga bwakughogha abandu ni ndusu mu masukulu bwabombiwe utubalilo 249, ikibelengelo iki kikukinda ikibelengelo kyosa kunyuma ukufuma mu 1970.”

 Nongwa yafiki ifindu fyankhaza ifi fikubombiwa? Ngimba findu fiki fibaghile ukututula ukwifimbilisya ku findu ifyakupangisya ikitima ifi? Ngimba lulipo ulusubilo lulilosa ulwakuti ifindu fyankhaza ifi fisakumalika? Ibaibolo likwamula amalalusyo agha.

•    Ibaibolo lyayobile ngani ukuti akabalilo aka tulimo kabalilo ka “mmasiku ghakubumalikisyo” kangi abandu bikuya pakuya “basitabumanyani” kangi “bakali.” Ifi fipangisye ukuti babombeghe ifindu fyankhaza nukuya nindumbula imbibi. Abandu aba bikubomba ifindu ifibibi ‘bikuya pakukindilila ukuya bonangi.’ (2 Timoti 3:1-5, 13) Ukuti mumanye nyingi, belenga inkhani iyakuti “Kodi Baibolo Linaneneratu za Mmene Anthu Adzidzaganizira ndi Kuchitira Zinthu Masiku Ano?”

 Abandu bingi bikwilalusya ukuti, ‘Nongwa yafiki Kyala atikukanisya ifindu ifibibi ni fyankhaza bo ukughoghana uku kukubombiwa mu masukulu?’ Ukuti mumwaghe ansala wa mu Baibolo, belenga inkhani iyakuti, “Cifukwa Wuli—Vinthu Viheni Vikuchitikira Ŵanthu Ŵawemi?”

•    “Syosa isi syasimbiwe iyolo mmasimbo, syo syasimbiwe ukuti luyeghe lumanyisyo kumyitu, ukuti tuyeghe nulusubilo mbufisalyoyo na ndusubisyo lwa mmasimbo ghaghagha.”— Baroma 15:4

 Ifundo sya mu Baibolo sibaghile ukubatula ukwifimbilisya inkhaza isi sikubombiwa nkisu iki. Ukuti mumanye nyingi keta magazini ya Galamukani! iya Chicheŵa iyamutu wakuti Kodi Anthu Adzasiya Kuchitirana Zachiwawa?”

 Ukuti mughaghe amasakisyo gha muno abapapi babaghile ukubombela ukuti babatule abanabo ukuti baleke ukusofanisiwa na malipoti gha nkhani syakutilisya, belenga inkhani iyakuti Kodi Mwana Wanu Amaopa Akamva za Zimene Zachitika

•    “Isakubabanga ku bandu balusyobo na baghasi.”— Salimo 72:14.

•    “Abandu bisakupondagha inyubo syabo ukuya makumbulu gha kulimila, kangi ningwegho syabo ukuya sengo. Ifikolo fya bandu fitisa kwandisya kangi ukulwa ubwite nifikolo ifinine, nalinga ko kutendekesya kangi isya bwite.”— Mika 4:3

 Kyala isakubomba ifindu ifi abandu bakabaghila ukufwanisya. Ubunyafyale bwake ubwakumwanya bwisakusosyapo ifilwilo fyosa nu kumasya ifindu fyosa ifyankhaza. Ukuti mumanye nyingi isyakufwana na isi Ubunyafyale bwa Kyala bwisakubomba, belenga inkhani iyakuti “Mu Ufumu wa Chiuta Muzamuŵa ‘Mtende Wakuzara’”