Imiywegho yafigabenga yili paliposa ku Haiti. Ifigabenga fikutamya fiyo ku South Africa, Mexico na mfisu ifingi ifya ku Latin American. Nalinga mo mfisu ifi ifyamiywegho fitikubombiwa fiyo bo muno fyayilile pakwanda, amalipoti ghikunangisya ukuti abandu bikukindilila ukwipilika ukuti bakaya bakufighililiwa kangi bikwiyaya fiyo.

 Ngimba Ibaibolo likuyoba isyafiki pankhani yakuleka ukupilikila indaghilo uku kukubombiwa pakisu kyosa?

 Ibaibolo lyayobile ngani isyakuleka ukukonga indaghilo ukuti kisakuya kighaba kimo kya kimanyikilo kya “bumalikilo bwa kisu.” (Matai 24:3) Bo Yesu Kristu ikulingania ifindu ifi fisakubombiwagha ukunangisya ikimanyikilo, atile:

•   “Panongwa yakubala ubwilangomelesyo, ulughano lwa bingi lwisakutalalilagha.”—Matai 24:12.

 Ibaibolo lyayobile ngani ukuti “mmasiku ghakubumalikisyo” abandu bisakuyagha “basitakwighomola, bakali, basitakusighana inunu.” (2 Timoti 3:1-5) Utuyilo utu tukubombiwa fiyo amasiku agha.

 Loli tuli nififukwa ifinunu ifyakuyila nulusubilo. Ibaibolo lifingile ukuti mwalululu ukuleka ukupilikila indaghilo kukuya pakumalika.

•   “Pasyele panandi itolo, apa umbibi atisakuyako; napa linga kuketa mbuyo bwake, atisakubonekamo. Loli abalwiyisyo bo bisakukibagha ikisu, kangi bisakwikyelagha nifinunu ifi fikulefuka itolo.”—Salimo 37:10, 11.

 Amumanyile nyingi isyakufwana nulusubilo ulwa mu Baibolo kangi inongwa iyi tukuyoba ukuti ifindu ifi fikubombiwa amasiku agha fikufwanisya ubusololi bwa mu Baibolo. Belenga inkhani isyakukongapo isi.

 “Ulusubilo Ulwakuti Nkyeni Ifindu Fikuya Pakuchenja”

 “Kasi Chimanyikwiro cha “Mazuŵa Ghaumaliro” Panji Kuti “Nyengo Zaumaliro” Ntchivichi?”

 “Ngimba Ibaibolo Lyayobile Ngani Isyamuno Abandu Bisakwinong’onelagha nu Kubombela Ifindu Amasiku Agha?”