Ukufwana nilipoti lya pakisu kyosa a ili lyasokile mwalululu, umundu yumoywene pabandu 4 ikwipilika ukuti ali mwene itolo.

•   “Ukuleka ukuya nabamanyani abakwangala nabo kubaghile ukumpalamasya aliwesa kisita kweghela ifyinja ifi umundu alinafyo pamo kuno ikwikala”—Chido Mpemba, Cheyamani wa World Health Organization’s Commission on Social Connection.

 Mwakukindana na isi abandu bingi bikwinong’ona, ukuleka ukuya nabamanyani abakwangala kutikupalamasya abandu abakusi bene pamo aba bali bene loli kukupalamasya nabakilumyana, nalinga bo aba ifindu fili kanunu pabumi bwabo, kangi na aba bali pabweghi. Kangi ukwipaghula ukuleka ukuya nabakwangala nabo kubaghile ukumpangisya umundu ukuti ande ukubina.

•   “Dokotala yumo ayobile ukuti: Ukuleka ukuya nabakwangala nabo kukupalamasya nyingi komma pene ukuleka ukwipilika kanunu. Ingozi iyi yibaghile ukuyapo panongwa yakuleka ukuya nabakwangala nabo yikufwana itolo na iyi yibaghile ukuyapo kumundu uyu ikukwesa ingambo 15 pisiku.”—Dr. Vivek Murthy, U.S.

 Umpeli witu atikulonda ukuti twipaghuleghe. Ubwighane bwa Kyala bo bwakuti akabalilo kosa abandu bahobokeghe nubumi ubununu nukuya nabamanyani abanunu.

•   Ifundo ya mu Baibolo: “Kyala atile: ‘Sikaya nunu ukuti umundu itughaleghe mwene itolo.’”—Ubwandilo 2:18.

 Kyala ikulonda ukuti tuye nawe pabumanyani. Umwene afingile ukuti linga uswe tukuseghelela kumyake, yope ikuya pakuseghelela kumyitu.—Yakobu 4:8.

•   Ifundo ya mu Baibolo: “Basayiwa ababimenye ubulondo mumbepo iya nkati buno ubunyafyale bwa kumwanya bwabo.”—Matai 5:3.

 Kyala ikulonda ukuti tumwiputeghe pampene nabinitu. Linga tukumwiputa Kyala pampene nabinitu fikukutula ukuti tuyeghe balusekelo.

•   Ifundo ya mu Baibolo: “Twinong’onelaneghe twe babo batupu nukukasania, ukuti tunangisanieghe ulughano nukubomba imbombo inunu, tungalekagha ukwaghanila pampene, . . . loli tukumbusanieghe.”—Bahiburi 10:24, 25.

 Ukuti mumanye ukulondiwa kwakwepuka ukuleka ukuya nabakwangala nabo, belenga inkhani iyakuti “Anthu Ambiri Amasungulumwa Ngakhale Kuti Pali Njira Zambiri Zolankhulirana.”