Abandu bingi pakisu bikwipilika ukuti bakaya nabamanyani kangi bikwipilika ukuti bali bene. Abakalyoto bamo abafyakipatala bikusubila ukuti ukubatula abangi yo njila yimo iyakumasyila indamyo iyi.

•   “Linga tukubatula aba bikulondiwa ubutuli, kubaghile ukututula fiyo pabumi bwitu kangi kubaghile ukututula ukuti tungipilikagha ukuti tuli twibene pamo ukutamiwa aminong’ono panongwa yakuya kubutali nabinitu.”—U.S. National Institutes of Health.

 Ibaibolo lili nubulongosi ubununu ubwa muno tubaghile ukubatulila abinitu. Ukukonga ubulongosi ubu kubaghile ukututula ukuti tuleke ukwipilika ukuti tuli twibene.

 Tuyeghe bakupa. Tulondeghe injila isyakuti twangaleghe nabinitu fiyofiyo maso na maso. Tuyeghe nubwighane ubwakuyabana nabinitu ifi tuli nafyo. Linga tuli bakupa abinitu bikuya pakutundaghisya kangi tukuya pakuya nabo pabumanyani.

•   Ifundo ya mu Baibolo: “Amupeghe po nanumwe Kyala isakubapagha.”— Luka 6:38.

 Tubombeleghe amaka ghitu ukubatula abangi. Tubatuleghe abandu aba bikwaghana nindamyo. Isi sikongelelapo ukubapilikisya mwakisa linga bikuyoba nukubapa ifindu ifi fibaghile ukubatula pabumi bwabo.

•   Ifundo ya mu Baibolo: “Ummanyani yo apapiliwe ukuti akutuleghe uwe mbutolwe.”—Isya Mbupingamu 17:17.

 Ukuti mumanye nyingi isya muno mubaghile ukubombela ukuti muye pabumanyani ubununu nabangi, belenga inkhani yakuti “Kuŵa na Banja Liwemi na Ŵabwezi.”