Ngimba Ubugabenga Bukwisa Pakumalika?
Linga ifigabenga fibasambukile, mubaghile ukwilalusya ukuti: ‘Ngimba Kyala ikumbasikisya? Nongwa yafiki ifindu ifi fikubombiwa? Ngimba Ubugabenga a bukwisa pakumalika? Ngimba nguya pakukindilila ukuya nu bogha?’ Ibaibolo likwamula kanunu fiyo amalalusyo agha.
Ngimba Kyala ikwipilika bulebule ni fyabugabenga?
Kyala asibengile inkhaza nu bugabenga. (Salimo 11:5; Isya Mbupingamu 6:16, 17) Kangi Yesu, uyu ikumwimila Kyala, abasusisye abamanyili bake aba pakabalilo kamo babombile ifindu ifya nkhaza. (Matai 26:50-52) Nalinga ukuti abandu bamo bikubomba ifindu ifya nkhaza mu ngamu ya Kyala loli umwene atikuhoboka ni ifindu ifibibi ifi bikubomba. Kangi Kyala atikupilika inyiputo syabo.—Yesaya 1:15.
Kyala ikubapasikisya abandu bosa aba bikutamiwa, ukongelelapo aba bapalamasiwe ni fyabugabenga. (Salimo 31:7; 1 Peteri 5:7) Ibaibolo likuyoba ukuti Kyala ikuya pakubombapo simo ukuti amasye inkhaza.—Yesaya 60:18.
Ngimba findu fiki ifi fikwandisya ifyabugabenga?
Ibaibolo likulingania ikindu iki kiwakandisya ukuti abandu babombeghe ifyabugabenga. Likuti: ‘Bamo bikukubilwa pasi pabulaghili bwa bandu.’ (Undumbilili 8:9) Ukwanda iyolo, abandu aba bali na maka bikubombela imbombo ifigabenga ukuti babatamyeghe abangi. Kangi abandu aba bababombile ifyankhaza bope bikubombela ifigabenga ukuti baghomokesye.—Undumbilili 7:7.
Muno ubugabenga bukwisa pakumalikila
Kyala afingile ukuti isakusosyapo ubogha ni fyankhaza, kangi isakutwala ulutengano pa kisu kyapasi. (Yesaya 32:18; Mika 4:3, 4) Umwene ikwisa pakubomba ifindu ifyakukongapo ifi:
Ikwisa pakusosyapo ifi fikwandisya ubugabenga. Kyala isakusosyapo amaboma gha bandu nu kubikapo iboma lyake ukuti lyo lisalaghileghe pa kisu kyosa ikyapasi. Undaghili wa boma ili yo Yesu, uyu ikwisa kumbombelagha aliwesa isyabugholofu kangi isakusosyapo ukukanyilisiwa ni nkhaza. (Salimo 72:2, 14) Pakabalilo ako nayumo umundu uyu isakubombagha ifyabugabenga. Abandu “bisakwikyelagha nifinunu ifi fikulefuka itolo.”—Salimo 37:10, 11.
Ikwisa pakusosyapo indamyo syosa isi sisile panongwa ya bugabenga. Kyala isakubabumbulusyagha abandu bosa aba baghene ni ndamyo panongwa ya bugabenga, ikwisa pakubatula ukuti baleke ukutamiwa kangi mminong’ono. (Yesaya 65:17; Ubusetuli 21:3, 4) Umwene afingile ukuti ikwisa pakubasyusya abafwe ukuti basikale nu bumi kwa bwila na bwila pa kisu apa pisakuya ulutengano.—Yohani 5:28, 29.
Ibaibolo likuyoba ififukwa ifinunu ifyakusubila ukuti Kyala ikuya pakubombapo simo mwalululu ukuti asosyepo indamyo syosa. Loli mubaghile ukwilalusya ukuti, ‘Nongwa yafiki Kyala akamasya ubugabenga lino?’ Ukuti mwamuliwe ilalusyo ili, amuketelele ividiyo iyakuti Nongwa Yafiki Kyala Itikisye Indamyo pa Kisu Kyapasi?
a Utubalilo twingi amasyu aghakuti “ubugabenga” ghikuyoba isya isi abandu bamo bikubomba pakubatilisya abandu abangi, ukupanga ifyongo nu bwighane bwakuti ifindu fichenje pa nkhani ya fya ndyali, ifya matchalichi pamo ifindu ifingi. Loli abandu babaghile ukukindana aminong’ono pa nkhani yimo linga yibombiwe ukuti ya bugabenga pamo hayi.
Lumo Mubaghile Ukulonda Ukumanya Isya Nkhani iyi
IMITU YA NKHANI ISYAKUKINDANAKINDANA
Muno Mubaghile Ukubombela Ukuti Muleke Ukwiyaya Fiyo
Ngimba fundo kangi mavesi ghaliku agha mu Baibolo agha ghabaghile ukubatula ukuti muleke ukwiyaya fiyo?
IMITU YA NKHANI ISYAKUKINDANAKINDANA
Ulusubilo Ulwakuti Nkyeni Ifindu Fikuya Pakuchenja
Nongwa yafiki isi Ibaibolo lifingile sikindene fiyo na isi abandu bikufinga pamo ukuyobela ngani isya nkyeni?
IMITU YA NKHANI ISYAKUKINDANAKINDANA
Ngimba Ubugholofu Bwisakuyapo pa Kisu Kyapasi iki?
Ibaibolo likunangisya ukuti ubugholofu ubwa bwanaloli bukufuma kwa Kyala, uyu ikubaketa abandu ukuti bafwene itolo.
ESSENTIAL BIBLE TEACHINGS
Nongwa Yafiki Kyala Itikisye Indamyo pa Kisu Kyapasi?
Isi Ibaibolo likuyoba pa nkhani iyi syakukasya kangi syakusubisya.
