Abandu bingi bikuketa ukuti indamyo isi tukuya pakwaghana nasyo nkyinja kya 2024 sikabaghila ukumalika. Nalinga sili bo ulu, tubaghile ukulwagha ulusubilo lwa nkyeni. Ngimba tubaghile ukulwagha kughu?

 Ibaibolo lifingile ukuti Kyala ikuya pakumasya indamyo syosa isi sikupangisya ubumi ukuya bwakutamya fiyo. Mwalululu, Kyala “isakupyasilagha amasosi ghosa, bope nubufwe nalinga bo busulumanie, nalinga ko kukuta pamo ko kubaba fitisakuyangako kangi.”—Ubusetuli 21:4.

•   Ukuti mumanye nyingi isyakufwana na isi Ibaibolo lifingile isya nkyeni, belenga inkhani iyakuti “Ulusubilo Ulwakuti Nkyeni Ifindu Fikuya Pakuchenja.”

 Ibaibolo likutupa ulusubilo ulununu ulwa nkyeni ulu lubaghile ukututula ukulimbana naminong’ono amabibi. (Baroma 15:13) Ubulongosi bwa mu Baibolo bubaghile kangi ukubatula ukulimbana nindamyo isi mubaghile ukwaghana nasyo lino, bo ubulondo, ubusita bugholofu nububine.

•   Amukete muno umundu yumo uyu ulusubilo lwa mu Baibolo lwalintulile ukulwagha ulutengano nulusekelo nalinga ukuti akulile mumbumba iyi yali ndondo. Ketelela ividiyo iyakuti Juan Pablo Zermeño: Yehova Ambele Ubumi Ubununu Fiyo.

•   Keta muno Ibaibolo libaghile ukubatulila ukumalana nukwiyipa inongwa, ubusulumanie, ukwiyaya kangi linga umundu uyu twalinganile afwile. Belenga inkhani iyakuti “Kasi mu Baibolo Ningasangamo Mazgu Ghakupembuzga?”

•   Keta muno unsilikali yumo uyu ayobile mwene ukuti “ali mundu wamwalwemwale” uyu alwaghile ulusubilo lwa mu Baibolo. Ketelela ividiyo iyakuti Nkhaleka Usilikari.

 Amupange ikyinja kya 2024 ukuya kyinja kinunu kwa umwe nimbumba yinu. Amumanyile nyingi isyakufwana namuno Ibaibolo libaghile ukubatulila umwe. Ghela ukumanyila nanuswe Ibaibolo kisita kulipila. Keta muno Kyala abaghile ukubapela ‘aminong’ono ghalutengano’ lino ‘nulusubilo lwa nkyeni.’—Yeremiya 29:11.