Ngimba mukusulumania panongwa yakuti mukwikala mwibene? Linga mo siyilile, mubaghile ukwipilika bo uwa masalimo uyu atile “Mfwene bo yi njuni iyi yili yene pamwanya pa kisonje.” (Salimo 102:7) Mu Baibolo silimo ifundo isi sibaghile ukubatula ukumalana ni ndamyo isi mukwaghana nasyo linga mukwikala kwa mwibene.

•  Mukasyeghe ubumanyani bwinu na Kyala

•  Mubelengeghe inkhani isyakukasya isya mu Baibolo

•  Mumanyeghe inongwa iyi ifindu ifibibi fikubombiwa nkisu iki

•  Mungiyayagha fiyo

•  Muyeghe na bamanyani

•  Mubombeghe inyangalo isi sikukasya umbili

 Nalinga mukwikala kwa mwibene, loli mubaghile ukuya balusekelo linga mukumanyila isya Kyala nu kukindilila ukumumanya kanunu. (Matai 5:3, 6) Ifindu ifyakukongapo ifi fibaghile ukubatula.

•   Ibaibolo lya pa Intaneti ili lisanusiwe kanunu kangi lipepe ukulibelenga

•   Ukumanyila Ibaibolo ukwendela pa Intaneti uku kubaghile ukubatula ukuti mwamuliwe amalalusyo ghinu agha muli nagho.

•   Amavidiyo amapimba agha ghikulingania ifundo isyakulondiwa isya mu Baibolo

•   “Amalalusyo Agha Ibaibolo Likwamula”—Pa kighaba iki mubaghile ukwamuliwa amalalusyo agha abandu bingi bighanile ukulalusya

•   “Mukongeghe Ulwitiko Lwabo”—Ikighaba iki kibaghile ukubatula ukuketa muno ifindu fyayilile ku banyambala na bakikulu abasubiliwa aba bikuyobiwa mu Baibolo

•   “Ngimba Fyaliko Fyene?”—Pa kighaba iki silipo inkhani isi sikunangisya muno ikipeliwa kiyilile kyakuhobosya kangi kyakuswighisya

 Inkhani sya mu Baibolo sikubasubisya abandu bingi. M’malo mwakubelenga nyingi itolo pakabalilo kamokene, sibaghile ukuya kanunu ukuti pakabalilo aka ko mwinong’oneleghe inkhani yiliyosa payene nu kwiputa.—Marko 1:35.

•   Salimo 23:1-6

•   Salimo 34:1-22

•   Salimo 46:1-11

•   Salimo 63:6-8

•   Salimo 91:1-6

•   Matai 6:25-34

•   2 Bakorinti 1:3, 4

•   Bafilipi 4:6, 7

•   1 Peteri 5:6, 7

 Mubaghile ukutola indamyo yiliyosa iyi mubaghile ukwaghana nayo linga mukumanya inongwa iyi pa kisu pikubombiwa ifindu ifibibi kangi muno Kyala isakumasyila indamyo isi.—Yesaya 65:17.

•   Nongwa yafiki Kyala ikwitikisya indamyo?

•   Ngimba Ibaibolo likuyoba isyafiki isya mabubine kangi nukubupasikisya ubumi bwitu?

•   Ngimba ikimanyikilo kya m’masiku aghabumalikisyo findu fiki?

•   Ngimba abanyambala 4 aba bakwelile pa falasi aba bikuyobiwa mu buku lya Ubusetuli bo banani?

•   Ngimba Ubunyafyale bwa Kyala bukwisa pakubomba isyafiki

 Inkhani isyakukongapo isi sibaghile ukubatula ukumalana ni ndamyo yakwiyaya panongwa yakuti mukwikala mwibene—Matai 6:25.

•   Isi mubaghile ukubomba linga mukutamiwa naminong’ono

•   Isi sibaghile ukubatula ukuya balusekelo

•   Ukwiyaya linga ubumi buli pangozi

•   Ukwiyaya panongwa ya ndalama

•   Isi abakilumyana bikwiyaya nasyo

 Abamanyani babaghile ukubatula ukuti muleke ukwiyaya kangi ukuti muhobokeghe. Ukubomba isi kwakulondiwa fiyo linga mukabaghila ukuketana maso na maso na bamanyani binu. Linga mutikwitikisiwa ukusokapo pakaya, mubaghile ukwangala na bamanyani binu ukwendela pa pulogilamu yimo iya pakompyuta pamo ukubimbila ifoni ukuti mukasye ubumanyani bwinu kangi ukuti mubaghe abamanyani abangi. Inkhani isyakukongapo isi sibaghile ukubatula ukubagha abamanyani kangi muno umwe mubaghile ukuya “m’manyani wanaloli.”—Isya Mbupingamu 17:17.

•   Isi mubaghile ukubomba ukuti muye m’manyani wanaloli?

•   Ngimba ngulondiwa ukuya na bamanyani bingi?

•   Nongwa yafiki ngaya na bamanyani?

•   Muyeghe nindumbula yakupa ukuti mubaghe abamanyani

•   Mubandaghisyeghe abangi

 Ibaibolo likwitikisya ukuti “ukuwisubisya umbili ko kukunkabila umundu.” (1 Timoti 4:8) Sibaghile ukubatula ukuti muleke ukwiyaya kangi ukuti muhobokeghe, fiyo pakabalilo aka mukwikala mwibene. Nalinga ukuti lino mukabaghila ukusokapo pakaya, loli filipo ifindu fimo ifi mubaghile ukubomba ukuti muye nu mbili wamaka.

•   Mubombeghe inyangalo isi sibaghile ukukasya umbili winu

•   Mubombeghe ifindu ifi fibaghile ukubatula ukuti muye nu bumi ubununu kangi ukuti mwifimbilisyeghe ku ndamyo