UKUBAKOLELA ABANDU PAKUKUMBUKILA INIFWA YA YESU
Yesu Isakumasya Ifindu Ifibibi Fyosa
Yesu ikumanya muno fikuyila fyakutamya panongwa yafindu ifibibi ifi fikubombiwa nubusita ubugholofu. Umwene balintungulupile, balinkomile kisita nongwa, balinkumpa inongwa, balindongile mbusita bugholofu, kangi balingoghile inifwa yakubaba fiyo. Nalinga akali ninongwa yiliyosa, umwene aliyipele kangi abikile “ubumi bwake ukuya bubangi bwa bingi.” (Matai 20:28; Yohani 15:13) Pakabalilo aka, pakuya Mwalafyale wa Bunyafyale bwa Kyala, mwalululu ikuya pakutwala ubugholofu pakisu kyosa, kangi isakumasya ifindu ifibibi fyosa kwa bwila.—Yesaya 42:3.
Ibaibolo likuyoba muno ikisu kisakuyila linga Yesu andile ukulaghila:
“Pasyele panandi itolo, apa umbibi atisakuyako; napa linga kuketa mbuyo bwake, atisakubonekamo. Loli abalwiyisyo bo bisakukibagha ikisu, kangi bisakwikyelagha nifinunu ifi fikulefuka itolo.”—Salimo 37:10, 11.
Ngimba tubaghile ukundaghisya bulebule pasyosa isi Yesu atubombile na isi ikuya pakutubombela nkyeni? Pa Luka 22:19, Yesu ababulile aba bikunkonga ukuti bakumbukileghe inifya yake. Yonongwa yake ikyinja kilikyosa, pisiku ilyakukumbukila inifwa yake, Abaketi ba Yehova bikubungana pampene. Tukubakolela mwesa ukuti tusakumbukile pampene Inifwa ya Yesu Pasabata, Malichi 24, 2024.