UKUBAKOLELA ABANDU PAKUKUMBUKILA INIFWA YA YESU
Yesu Isakumasya Ubwite
Bo ali pakisu kyapasi, Yesu anangisye ulughano ulunywamu kubandu. Ulughano lwake lwali lunywamu fiyo pakubika ubumi bwake ukuti abatabule abandu. (Matai 20:28; Yohani 15:13) Mwalululu, umwene ikuya pakunangisya kangi ulughano lwake kubandu mwakubombela amaka ghake pakuya Mwalafyale wa Bunyafyale bwa Kyala mwakubusosyapo “ubwite ukwakufika nakuno ikisu kimalikile.”—Salimo 46:9.
Keta isi Ibaibolo likuyoba isi Yesu isakubomba:
‘Namanga yo yuyo isakumpokagha untolwe apa linga ikukolela kumyake, na yu ndondo uyu akaya nuntuli nayumo. Isakubapakisyagha abaywelufu na balondo, yo yuyo isakubupokagha ubumi bwa balondo. Isakubapokagha kubandu balusyobo na baghasi.’—Salimo 72:12-14.
Ngimba tubaghile ukundaghisya bulebule pasyosa isi Yesu atubombile na isi ikuya pakutubombela nkyeni? Pa Luka 22:19, Yesu ababulile aba bikunkonga ukuti bakumbukileghe inifya yake. Yonongwa yake ikyinja kilikyosa, pisiku ilyakukumbukila inifwa yake, Abaketi ba Yehova bikubungana pampene. Tukubakolela mwesa ukuti tusakumbukile pampene Inifwa ya Yesu Pasabata, Malichi 24, 2024.
Lumo Mubaghile Ukulonda Ukumanya Isya Nkhani iyi
UKUKUMBUKILA
Ukukumbukila Inifwa ya Yesu
Tukubasuma ukuti tusaye pampene pisiku ili tukwisa pakukumbukila inifwa ya Yesu ukufwana na muno umwene ayobile. Manyila muno inifwa ya Yesu yakulondiwa ku myinu.
ESSENTIAL BIBLE TEACHINGS
Ngimba Ubunyafyale bwa Kyala Findu Fiki?
Ubufumusi bwake bosa, Yesu amanyisyagha fiyo isya Ubunyafyale bwa Kyala. Kwa fyinja fingi, aba bikunkonga bikwiputa ukuti Ubunyafyale bwake bwiseghe.
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.
