Januwale 15-21
JOBU 36-37
Ulwimbo 147 Nulwiputo | Amasyu Ghakwanda (1 min.)
1. Nongwa Yafiki Mubaghile Ukusubila isi Kyala Afingile Isya Bumi bwa Bwila na Bwila?
(10 min.)
Yehova aliko bwila na bwila (Jobu 36:26; w15-TB 10/1 13 ¶1-2)
Yehova ali namahala kangi namaka aghakubufighilila ubumi (Jobu 36:27, 28; w20.05 22 ¶6)
Yehova ikutumanyisya muno tubaghile ukubwaghila ubumi bwa bwila na bwila (Jobu 36:4, 22; Yo 17:3)
Ukuya nulwitiko lwamaka ndufingo lwa Kyala ulwakufwana nu bumi bwa bwila na bwila kukututula ukuti twifimbilisyeghe ku ndamyo.—Hi 6:19; w22.10 28 ¶16.
2. Ifi Tumanyile
(10 min.)
-
Jobu 37:20—Ngimba inkhani ni fimanyisyo fyabikiwagha bulebule ku bandu nkabalilo kakunyuma? (it-1-E 492)
-
Ngimba fundo siliku isi musyaghile pakubelenga Ibaibolo kwa sabata uyu isi mukulonda ukubabulako abangi?
3. Ukubelenga Ibaibolo
(4 min.) Jobu 36:1-21 (th ikimanyilo 2)
4. Muno Tubaghile Ukwanda Ukuyobesania Nabandu
(3 min.) UKUFUMUSYA KUNO KUKWAGHIWA ABANDU BINGI. (lmd ikimanyilo 3 ifundo 3)
5. Isi Mubaghile Ukubomba
(4 min.) KUNYUMBA NI NYUMBA. (lmd ikimanyilo 2 ifundo 5)
6. Ukulingania ifi Tukusubila
(5 min.) Inkhani. ijwfq-TB 57 5-15—Umutu: Nongwa yafiki Abaketi ba Yehova Bafwimiwagha Nkabalilo ka Bulaghili bwa Nazi? (th ikimanyilo 18)
Ulwimbo 49
7. Mwitendekesyeghe ku Fyakubombiwa ifi Mukuya Pakulondiwa Ubutuli Bwakipatala Pamo Ukupangiwa Opaleshoni
(15 min.) Ukuyobesania. Yiyobiwe nu nkulumba.
Igulu lya Yehova litupele ifibombelo fingi ifi fikututula ukupilikila indaghilo sya Kyala isyakufwana nilopa. (Imbo. 15:28, 29) Ngimba mukufibombela kanunu ifibombelo ifi?
Ikadi lya DPA kangi ni lya Bana: Amakadi agha ghikulingania isya nkota ughu umbine ikulonda uwakufwana nilopa. Abafumusi aba bosiwe babaghile ukwegha ikadi ili kwa uyu ikuketesya amabuku nikadi lya bana. Akabalilo kosa tukulondiwa ukwenda na makhadi agha. Linga mukulonda ikadi ili pamo ukuchenja isi mwalembile, mungakabilagha.
Ifomu lya Bulongosi Ubwakutula Abakikulu aba Bali Nulwanda (S-401) ni lya Bulongosi ku aba Bikulondiwa Ukupangiwa Opaleshoni ni Mikota (S-407): Amafomu agha ghikututula ukwitendekesya pa fyakubombiwa ifyakufwana nilopa. Mubalalusye abakulumba ukuti babapepo ifomu ili linga muli nulwanda pamo mukulondiwa ukupangiwa opaleshoni pamo linga mukwambilila unkota wa mbungo ya kansa.
Ikomiti Iyakuyobesania na Bakipatala (HLC): Abakamu ba mu HLC bo bakulumba aba bamanyisiwe ukuti bayobesanieghe na badokotala nukubapa ubutuli abafumusi pa nkhani isyakufwana nilopa. Abene bikuyobesania na badokotala isyakufwana nu nkota ughu mukuya pakwambilila nubwighane ubwakuti mungambililagha ilopa. Linga kwakulondiwa babaghile ukubatula ukumwagha dokotala uyu abaghile ukubatula ukufwana na isi musalile. Abene bikwaghiwa akabalilo kalikosa aka mubaghile ukubalonda. Yobesania na ba mu HLC mwanakalinga linga mulambalikiwe nkipatala, linga mukulondiwa opaleshoni pamo linga mukwambilila unkota wa mbungo ya kansa nalinga sibaghile ukuboneka ukuti mutikuya pakulondiwa ilopa. Mukulondiwa ukubomba kangi isi linga muli nulwanda. Kangi linga mukulondiwa ubutuli munsume unkulumba ukuti ababule abakamu ba mu HLC.
Ketelela IVIDIYO iyakuti Ngimba Abakamu ba mu Komiti iyi Yikuyobesania na Bakipatala Bikutulapo Bulebule? Ukufuma apo mubalalusye abandu ilalusyo ilyakukongapo ili:
Ngimba abakamu ba mu HLC babaghile ukubatula bulebule linga mukulondiwa ubutuli bwa kipatala pamo ukupangiwa opaleshoni?
8. Ukumanyila Ibaibolo kwa Pakipanga
(30 min.) bt-TB mutu 4 ¶9-12, ibokosi pa peji 34
