Julayi 29–Ogasiti 4
MASALIMO 69
Ulwimbo 13 Nulwiputo | Amasyu Ghakwanda (1 min.)
1. Ifindu ifi Fyabombiwe kwa Yesu Fyayobiwe Ngani mu Salimo 69
(10 min.)
Yesu abengiwe kisita kifukwa (Sa 69:4; Yo 15:24, 25; w11-TB 8/15 11 ¶17)
Yesu iyipagha fiyo pakumbombela Yehova (Sa 69:9; Yo 2:13-17; w10-TB 12/15 8 ¶7-8)
Yesu atamiwe fiyo naminong’ono kangi balimpele ubwalwa bwa mafilu ubu balyongenie nakayongo (Sa 69:20, 21; Mt 27:34; Lu 22:44; Yo 19:34; g95-CN 10/22 31 ¶4; it-2-E 650)
ISYAKUTI MWINONG’ONELEPO: Nongwa yafiki Yehova alitikisye ukuti ubusololi bulembiwe ubwakufwana na Mesiya mu Malemba gha Kihiburi?
2. Ifi Tumanyile
(10 min.)
-
Sa 69:30, 31—Ngimba amavesi agha ghabaghile ukututula bulebule ukuti inyiputo syitu sipilikiweghe kwa Kyala? (w99-CN 1/15 18 ¶11)
-
Ngimba fundo siliku isi musyaghile pakubelenga Ibaibolo kwa sabata uyu isi mukulonda ukubabulako abangi?
3. Ukubelenga Ibaibolo
(4 min.) Sa 69:1-25 (th ikimanyilo 2)
4. Muyeghe Bololo—Isi Yesu Abombile
(7 min.) Ukuyobesania. Ketelela IVIDIYO, kangi ukufuma apo muyobesanie lmd ikimanyilo 8 ifundo 1-2.
5. Muyeghe Bololo—Tunkongeghe Yesu
(8 min.) Muyobesanie ukufwana na lmd ikimanyilo 8 ifundo 3-5 nikighaba kyakuti “Keta Kangi.”
Ulwimbo 134
6. Ifyakulondiwa Pakipanga
(5 min.)
7. Ifundo Syakumanyila kwa Pambumba Namayolo
(10 min.) Ukuyobesania.
Mu Januwale 2009, Ukumanyila Ibaibolo kwa Pakipanga balyongenie pampene nisukulu ya bufumusi ningomano sya bufumusi ukuti tumanyileghe fyosa pangomano sya nkati mwasabata. Isi syapangisye ukuti imbumba yiliyosa yiyeghe nukumanyila kwa pambumba namayolo sabata aliwesa. Bingi bikundaghisya imbatiko iyi mwakumanyila kwa pambumba namayolo sabata aliwesa panongwa yakuti sikubatula ukuseghelela kwa Yehova kangi ukuya pabumanyani mumbumba yabo.—Kuk 6:6, 7.
Ngimba fundo siliku simo isi sibaghile ukubatula imitu ya mbumba ukuti bayeghe nukumanyila kwa pambumba akabalilo kosa?
-
Mumanyileghe akabalilo kosa. Linga kwakulondiwa, muyeghe nimbatiko yakumanyila kwa pambumba sabata aliwesa. Mwitendekesyeghe ukuchenja isiku ilyakumanyila linga ifindu fimo ifi mukaghulilagha fibombiwe
-
Mwitendekesyeghe. Muyobesanieghe nunkasi winu kangi mubalalusye abaninu amasakisyo ghabo. Ukwitendekesya kutikulonda nyingi, fiyofiyo imbumba iyi yikubombela pampene ifindu sabata aliwesa
-
Muchenjeghe ukumanyila ukufwana nimbumba yinu. Bo abana bikukula, ifi bikulonda nifyakubomba fikuchenja. Imbatiko yakumanyila yikulondiwa ukuntula aliwesa uwa mumbumba ukukula mwambepo
-
Mukindilileghe ukuya balughano kangi muyobesanieghe nabo kanunu. Utubalilo tumo mumanyilileghe panja apa utumbepo tukwenda kanunu. Muyeghe nakabalilo kakutusya linga kwakulondiwa. Nalinga ukuti kwakulondiwa ukuyobesania indamyo isi abaninu bikwaghana nasyo komma ukubombela ukumanyila kwa pambumba ukuti mubafunde
-
Mubombeleghe ifindu ifyakukindanakindana. Mwakifwanikisyo, mubaghile ukwitendekesya ingomano sya sabata uwakukongapo, ukuketelela nukuyobesania amavidiyo gha pa jw.org kangi nukwitendekesya muno mubaghile ukubombela mubufumusi. Nalinga ukuti ukuyobesania ko kwakulondiwa fiyo pakumanyila kwa pambumba loli aba mumbumba bikulondiwa ukuya nakabalilo kakumanyila pabene
Yobesania ilalusyo ili:
-
Ngimba mubombile bulebule ifundo isi pakumanyila kwa pambumba?
8. Ukumanyila Ibaibolo kwa Pakipanga
(30 min.) bt-TB mutu 13 ¶8-16, ibokosi pa peji 105
