NONGWA YAFIKI KWAKULONDIWA: Ukwitendekesya, kukubatula abamanyili bitu ukuti bapilikisye kanunu nu kukumbuka ifi tukubamanyisya. Ukupilikisa kanunu nu kukumbuka kukubatula ukuti bakuleghe mbibimbibi. Nalinga bosiwe, pope bikuya pakukindilia ukwitendekesya ingomano nu kufumusya ukuti “bayeghe maso.” (Mt 25:13) Ukumanya muno tukumanyilila nu kuya ni mbatiko inunu iya kumanyilila kukuya pakubatula pa fyakubombiwa ifyakukindanakindana pabumi bwabo bosa. Ukwanda pabwandilo, tukulondiwa ukubatula abamanyili bitu ukwitendekesya ifi bikuya pakumanyila.

NGIMBA TUBAGHILE UKUBOMBA BULEBULE:

• Uswe tuyeghe kyakuketelapo ikinunu. (Ro 2:21) Twitendekesyeghe fyosa ifi tukuya pakumanyila nu kumwinong’onela um’anyili witu. (km-TB 11/15 3) Tumunangisye imizele iyi tugwalile mwi buku litu

• Munkasyeghe ukuti itendekesye. Linga apeliwe itolo ibuku, tumbule ukuti ukwitendekesya kwakulondiwa linga tukumanyila Ibaibolo kangi mundinganie ubununu bwake. Mumbule amasakisyo ghamo agha ghabaghile ukuntula ukuti ayeghe nakabalilo ka kwitendekesya. Abamanyisi bamo bikubapa abamanyili babo ibuku ili ligwaliwe imizele pakabalilo kakumanyila ukuti abamanyili bakete ubununu bwa kwitendekesya. Mundaghisyeghe um’manili winu linga itendekisye

• Ukwanda pabwandilo, abamanyisi bamo bikubombela aka balilo kosa aka bikumanyilila ukuti ban’nangisye um’manyili wabo muno abaghile ukwitendekesya