Pasa yabumalilo ya Yesu yali yakulondiwa fiyo. Panongwa yakuti ali pipi ukufwa, umwene alondagha ukulya ipasa na batumiwa bake kangi alyandisye ikyakubombiwa ikya Ifyakulya fya Namayolo. Polelo alimbulile Peteri na Yohani ukuti bakatendekesye ikipinda. (Lu 22:7-13; keta ikithuzi kya pakikope.) Isi sikutukumbusya ukuti tukulondiwa ukwitendekesya isya Kukumbukila Inifwa ya Yesu pa Malichi 27. Kisita ukukayika ifipanga fitendekisye kale isya njobi, ikisyesye ni kinwelo nifingi. Loli ngimba aliwesa abaghile ukubomba isyafiki ukuti itendekesye ikyakubombiwa iki?

Muyitendekesye Indumbula Yinu. Mubelenge nukwinong’onelapo amalemba agha ghabikiwe pakabalilo akakukumbukila inifwa ya Yesu. Imbatiko ya kubelenga iyi yikwaghiwa mu ka buku ka Kusanda Malemba Zuŵa na Zuŵa. Vyakusazgilapo B12 mu Baibolo lya Mang’anamuliro gha Charu Chiphya umu muli kangi imbatiko inunu. (keta kangi mu Ukufumusya nu Bumi Bwitu Bwabukristu bwa Epulelo 2020.) Imbumba sibaghile ukusyagha inkhani isyakuti bamanyileghe pakabalilo aka bikumanyila kwa pambumba ukulondiwa kwa ikemo lya Yesu mwakufufuza mu Watch Tower Publications Index pamo mu Research Guide for Jehovah’s Witnesses.

Mubakolele abangi ukuti basaghiwepo. Mweghepo ikighaba pambombo yakubakolela abandu ukuti basaghiwepo pakyakubombiwa iki. Inong’onela aba mubaghile ukubakolela bo aba mukubukangako ku bulendo bwakughomokelako, aba mwamanyilagha nabo Ibaibolo kunyuma, aba mubamenye na Bakamu binu. Abakulumba bikulondiwa ukubakolela abonywa. Mukulondiwa ukukumbuka ukuti linga yumo atikwikala nkighaba kyinu, mughile ukukagha akabalilo na malo kuno bikuya Pakukumbukila Inifwa ya Yesu mwakubinda pa ISYA USWE pamwanya pa jw.org nukusala pa “Ukukumbukila.”

Ngimba findu filiku ifingi ifi tubaghile ukubomba ukuti twitendekesye?