Abakristu babaghile ukumanyilako ku isi syabombiwe na Baisraeli mu ntebela wa Moabu. (1 Ko 10:6, 8, 11) Abaisraeli aba bangalagha pampene na Bamoabu aba babomba ifyabulowe nukukwiputa kufifwani babombile ubutulanongwa ubunywamu fiyo. Isi syali nifyakukongapo ifibibi fiyo. (Kub 25:9) Tusyungutiliwe na aba tukubomba nabo imbombo, aba tukumanyila nabo isukulu, abapalamani bitu, abamanyani bitu na bangi aba batikumwiputa Yehova. Ngimba tubaghile ukumanyilako isyafiki ku nkhani iyi isyakufwana nukwangala na bamanyani bo aba?

KETELELA IVIDIYO YA IFIFWANIKISYO IFYAKUTUSOKA M’MASIKU AGHA—AKAVIDIYO AKAPIMBA, UKUFUMA APO MWAMULE AMALALUSYO AGHAKUKONGAPO AGHA:

• Ngimba minong’ono ghaliku amabibi agha Zimuri na bangi bali nagho agha ghayagha pakunsofania Yamini?

• Ngimba Finehasi antulile bulebule Yamini ukuti aketeghe kanunu ifindu?

• Ngimba pali kukindana kuliku ukwangala nu mundu uyu akaya nketi nukuya m’manyani wake?

• Nongwa yafiki tukulondiwa ukuya maso pakusala abamanyani bapandumbula nkipanga?

• Nongwa yafiki tukulondiwa ukuleka ukwangala na bandu pamagulu gha pa intaneti na bandu aba tukabamanya?