Novembala 18-24
MASALIMO 107-108
Ulwimbo 7 Nulwiputo | Amasyu Ghakwanda (1 min.)
1. “Munndaghisyeghe Yehova Papo yo Nnunu Fiyo”
(10 min.)
Mwakufwana itolo namuno Yehova abapokile Abaisraeli, umwene atupokile ukufuma mfyakubombiwa fya nkisu kya Setano (Sa 107:1, 2; Kol 1:13, 14)
Ukunndaghisya Yehova kukutupangisya ukuti tumpaleghe nkipanga (Sa 107:31, 32; w07-TB 4/15 20 ¶2)
Tubaghile ukukusya indumbula yakundaghisya mwakwinong’onela isi Yehova atubombile (Sa 107:43; w15-TB 1/15 9 ¶4)
2. Ifi Tumanyile
(10 min.)
-
Sa 108:9—Nongwa yafiki ikisu kya Moabu bakifwanikisyagha ni “beseni lyakusughusulilamo” pamo “indeko yakusughusulilamo”? (it-2-E 420 ¶4)
-
Ngimba fundo siliku isi musyaghile pakubelenga Ibaibolo kwa sabata uyu isi mukulonda ukubabulako abangi?
3. Ukubelenga Ibaibolo
(4 min.) Sa 107:1-28 (th ikimanyilo 5)
4. Muno Tubaghile Ukwanda Ukuyobesania Nabandu
(3 min.) UKUFUMUSYA NDUSAKO. (lmd ikimanyilo 1 ifundo 4)
5. Isi Mubaghile Ukubomba
(4 min.) UKUFUMUSYA NDUSAKO. Mumbule umundu isya kumanyila kwa Baibolo nukumpapo ikadi ukuti ande ukumanyila Ibaibolo. (lmd ikimanyilo 9 ifundo 3)
6. Inkhani
(5 min.) ijwyp 90—Umutu: Ngimba Mbaghile Ukubomba Isyafiki Ukuti Ndeke Ukwinong’onela Itolo Ifindu Ifibibi? (th ikimanyilo 14)
Ulwimbo 46
7. Tukwimba Ukuti Tumpale Yehova
(15 min.) Ukuyobesania.
Bo Yehova abapokile Abaisraeli aba bali nubogha panongwa ya gulu lya basilikali pa Sumbi Unkesefu, abene balyandile ukumwimbila Yehova. (Kus 15:1-19) Abanyambala balyandile ukwimba ulwimbo ulupya ulu. (Kus 15:21) Yesu na Bakristu bakunyuma bope bimbagha mwakumpala Kyala. (Mt 26:30; Kol 3:16) Nanuswe tukumpala Yehova mwakwimbila pampene pangomano sya kipanga, isya dela nisya kighaba. Mwakifwanikisyo, ulwimbo ulu twimbile mwalululu ulwakuti “Tikumuwongani Yehova,” lwalyandile ukwimbiwa mu 1966.
Mfisu fimo abanyambala bikuya nisoni ukwimba pa bandu bingi. Abangi batikulonda ukwimba panongwa yakuti bikwinong’ona ukuti batikwimba kanunu. Nalinga sili bo ulu, tukulondiwa ukukumbuka ukuti ukwimba pangomano, kighaba kyakwiputa. Igulu lya Yehova likwiyipa fiyo ukupanga inyimbo nukusala isi tubaghile ukwimba pangomano. Twesa tukulondiwa ukwiyipa mwakwimbila pampene ukuti tunangisye ulughano nukunndaghisya Tata witu wakumwanya.
Ketelela IVIDIYO iyakuti Imbili Yitu—Ikyabupe kya Nyimbo, Ikighaba 2. Ukufuma apo mubalalusye abandu amalalusyo aghakukongapo agha:
-
Ngimba findu fiki fyabombiwe mu 1944?
-
Ngimba abakamu bitu ba ku Siberia banangisye bulebule ulughano mwakwimba inyimbo sya Bunyafyale?
-
Nongwa yafiki ukwimba inyimbo kwakulondiwa fiyo ku Baketi ba Yehova?
8. Ukumanyila Ibaibolo kwa Pakipanga
(30 min.) bt-TB mutu 18 ¶6-15
