Amasiku agha abandu bingi batikubasubila aba bali nubudindo. Uswe tuyimenye inongwa yake. Abandu bingi bikubombela ububibi ubudindo bwabo. (Mika 7:3) Tukundaghisya fiyo ukuti abakulumba bakipanga bikumanyisiwa ukuti babombeleghe kanunu ubudindo bwabo ukuti babatuleghe ababombi ba Yehova.—Est 10:3; Mt 20:​25, 26.

Abakulumba bakindene fiyo na bandu aba bali nubudindo nkisu iki. Abene bali bo balindilili panongwa yakuti banganile Yehova na bandu bake. (Yo 21:16; 1Pe 5:​1-3) Nubulongosi bwa Yesu, abatimi aba bikuntula umfumusi aliwesa ukuketa ukuti ali kukighaba kya mbumba ya aba bikumwiputa Yehova kangi ukuti basegheleleghe kumyake. Abene mwanakalinga bikukasya ing’osi sya Yehova kangi linga babinile pamo linga ingozi sibombiwe bikutulapo. Linga mukulonda ubutuli, muli babuke ukuyobesania nunkulumba wa kipanga kyinu.—Yak 5:14.

KETELELA IVIDIYO IYAKUTI ABATIMI ABA BIKUPASIKISYA UNTIMO KANGI UKUFUMA APO MUYOBESANIE AMALALUSYO AGHAKUKONGAPO AGHA:

• Ngimba Mariana asayiwe bulebule nubutuli ubu abakulumba balimpele?

  Your answer

• Ngimba Elias asayiwe bulebule nubutuli ubu abakulumba balimpele?

  Your answer

• Bo muketelile amavidiyo agha, ngimba mukwipilika bulebule nimbombo isi abakulumba bikubomba?

  Your answer