Okutobala 7-13
MASALIMO 92-95
Ulwimbo 84 Nulwiputo | Amasyu Ghakwanda (1 min.)
1. Ukumbombela Yehova kyo Kindu Kyakulondiwa Fiyo Pabumi
(10 min.)
Yehova yo ikulondiwa ukuti tumwiputeghe (Sa 92:1, 4; w18.04-TB 26 ¶5)
Umwene ikubatula ababombi bake ukusala kanunu nukuya balusekelo (Sa 92:5; w18.11 20 ¶8)
Umwene ikubaketa ukuti bakulondiwa fiyo nalinga bakangele (Sa 92:12-15; w20.01 19 ¶18)
MWILALUSYE UKUTI, ‘Ngimba findu fiki fikunganisya ukwiyipa kwa Yehova nukosiwa?’
2. Ifi Tumanyile
(10 min.)
-
Sa 92:5—Ngimba amasyu agha ghikulingania bulebule kanunu isyakufwana namahala gha Yehova? (cl-TB 176 ¶18)
-
Ngimba fundo siliku isi musyaghile pakubelenga Ibaibolo kwa sabata uyu isi mukulonda ukubabulako abangi?
3. Ukubelenga Ibaibolo
(4 min.) Sa 94:1-23 (th ikimanyilo 5)
4. Muno Tubaghile Ukwanda Ukuyobesania Nabandu
(4 min.) UKUFUMUSYA NDUSAKO. Bo mukuyobesania mumbule umundu ukuti muli bamanyisi ba Baibolo. (lmd ikimanyilo 5 ifundo 3)
5. Isi Mubaghile Ukubomba
(3 min.) UKUFUMUSYA NDUSAKO. Mwande ukumanyila Ibaibolo numundu uyu ikulonda ukumanya nyingi uyu akanile kunyuma. (lmd ikimanyilo 8 ifundo 4)
6. Ukupela Abafundiwa
(5 min.) Muyobesanie nu mmanyili winu wa Baibolo uyu atikubuka pankyeni mwambepo. (lmd ikimanyilo 12 ifundo 5)
Ulwimbo 5
7. Linga Abakilumyana Bikutamiwa Naminong’ono
(15 min.) Ukuyobesania.
Aba bikumbombela Yehova bope bikutamiwa naminong’ono. Mwakifwanikisyo, utubalilo twingi Davidi atamiwagha fiyo naminong’ono kangi amasiku agha abakamu na balumbu bope bikutamiwa naminong’ono. (Sa 13:2; 139:23) Syakitima ukuti abakilumyana bope bikupalamasiwa. Utubalilo tumo, ukutamiwa aminong’ono kubaghile ukutupangisya ukutoliwa ukubomba ifindu fimo bo ukubuka ku sukulu pamo ku ngomano sya kipanga. Fibaghile ukumpangisya umundu ukuya nu bogha kangi nukulonda ukwighogha.
Mwe bakilumyana linga mukutamiwa naminong’ono, mukulondiwa ukundingania umpapi winu pamo umundu yumo unkusi. Mukulondiwa ukusuma kangi ubutuli kwa Yehova. (Fil 4:6) Umwene ikuya pakubatula. (Sa 94:17-19; Yes 41:10) Inong’onela isya kifwanikisyo kya Steing.
Ketelela IVIDIYO Yehova Alimbasikisye. Ukufuma apo mubalalusye abandu amalalusyo aghakukongapo agha:
• Ngimba vesi liliku ili lyalintulile Steing kangi nongwa yafiki?
• Ngimba Yehova alintulile bulebule?
Mwe bapapi, mubaghile ukubatula abaninu aba bikutamiwa naminong’ono mwakubapilikisya mbololo, ukubanangisya ulughano nukubatula ukuti bansubileghe Yehova. (Tit 2:4; Yak 1:19) Munsubileghe Yehova ukuti abasubisye nukubapa amaka agha mukulondiwa ukuti mubatule abaninu.
Tukabaghila ukumanya linga umundu yumo nkipanga ikutamiwa naminong’ono pamo muno ikwipilikila. Loli tubaghile ukubatula abangi nkipanga ukuti bipilikeghe ukuti baghaniwe kangi bakulondiwa fiyo.—Mbu 12:25; Hib 10:24.
8. Ukumanyila Ibaibolo kwa Pakipanga
(30 min.) bt-TB umutu 16 ¶6-9, ibokosi pa peji 132
