Ngimba Mukukumbukila?
Ngimba mubaghile ukwamula amalalusyo agha ghali mu Ingasya ya Ndindilili iya 2019?
Ngimba amasyu agha Kyala afingile aghakuti: “Kitisakuyapo kimo ikilwilo ikyakubafulasya umwe” ghikusanusya isyafiki? (Yes. 54:17)
Tuli nulusubilo losa ukuti Kyala ikuya pakutufighilila ‘pakabalilo akabutolwe.’ (Yes. 25:4, 5) Undughu witu atikuya pakufwanisya ukutufulasya.—w19.01, pp. 6-7.
Ngimba Kyala abombile bulebule na Bakanani kangi na Baisraeli aba babombagha ifindu mbwanaloli?
Kyala atwele ubulongi kubosa aba babombagha ifyabulowe na aba babanyozagha abakikulu na bana. Umwene abasayile abandu aba bampilikilagha na aba babombagha ifindu munjila iya bwanaloli.—w19.02, pp. 22-23.
Ngimba tukulondiwa ukubomba isyafiki linga uyu akaya nketi wa Yehova ikwiputa?
Tubaghile ukuya mye nukunangisya ulughindiko loli tutikulondiwa ukwamula mwakuyoba ukuti “ameni” pamo ukukolana amaboko na bangi linga ulwiputo luli nkati. Tubaghile ukukindilila ukwiputa mundumbula yitu loli tutikulondiwa ukukwesya amasyu.—w19.03, p. 31.
Nongwa yafiki ukubabombela abana ifya nkhaza kubibi fiyo?
Ukubabombela abana ifya nkhaza butulanongwa bunywamu, kukupalamasya ikipanga, aba boma kangi na Kyala. Indaghilo sya boma sitikwitikisya ukubabombela abana ifindu ifya nkhaza, abakulumba bakipanga bope bikukonga indaghilo sya boma isi.—w19.05, pp. 9-10.
Ngimba tubaghile ukubomba bulebule ukuti tuyeghe naminong’ono amanunu?
Tukulondiwa ukukonga injila isi: Twiputeghe kwa Yehova. Twinong’oneleghe mwamahala isi tukulonda ukubomba pabumi bwitu. Tusaleghe kanunu abamanyani bitu.—w19.05, pp. 9-10.
Ngimba tubaghile ukwitendekesya bulebule ukufwimiwa?
Tukulondiwa ukukasya fiyo ubumanyani bwitu na Yehova. Tunsubileghe kangi umwene akabaghila ukutuleka. Tubelengeghe Ibaibolo akabalilo kosa. Tuyeghe nulusubilo ukuti Kyala ikuya pakufwanisya isi afingile. Tusungileghe amalemba pandumbula ninyimbo sya Bunyafyale isi tusighanile.—w19.07, pp. 2-4.
Ngimba tukulondiwa ukubomba isyafiki ukuti tubatule abakamu bitu ukuti basapokiwe?
Kwakulondiwa fiyo ukuti tubanangisyeghe ikisa abakamu bitu, tunangisyeghe ikifwanikisyo ikinunu, tuyeghe bololo, bamahala kangi tungachenjagha aminong’ono ghitu.—w19.08, pp. 15-17.
Ngimba tukubwagha bulebule ubutusyo ukufwana namuno Yesu ayobile pa Matai 11:28?
Tuli na bakulumba abanunu, abamanyani abanunu kangi nimbombo inunu fiyo.—w19.09, p. 23.
Ngimba Kyala abaghile ukututula bulebule ukuti tuye nubwighane ubwakumbombela? (Filip. 2:13)
Linga tukubelenga amasyu gha Kyala nukwinong’onelapo isi tukubelenga, Kyala ikuya pakutupa amaka, nubwighane ubwakumbombela. Mbepo wake mwikemo ghubaghile ukututula fiyo.—w19.10, p. 21.
Ngimba njila siliku inunu isi tubaghile ukukonga bo tukali ukusala ifyakubomba?
Tubaghile ukukonga injila 5 isi: Tufufuzeghe kanunu. Tusumeghe amahala kwa Yehova. Tuyeghe naminong’ono amanunu. Tukongeghe imbatiko yitu. Tufwanisyeghe isi tusalile ukubomba.—w19.11, pp. 27-29.
Ngimba ifundo iyakuti linga umundu afwile ikukindilila ukuya nubumi kumalo aghangi yikususania na isi Setano alimbulile Eva?
Hayi. Setano alimbulile Eva ukuti akayagha pakufwa itolo, loli ayagha pakukindilila ukuya nubumi ku malo ghamo. Ifimanyisyo fyosa ifyabutungulu fyamalike pakabalilo ka mwelesyo. Ikimanyisyo ikyabutungulu ikyakuti umundu ikukindilila ukuya nubumi linga afwile kyalyandile bo Kyala akali ukubasofania abandu aba bayengagha ingasya ya Babeli.—w19.12, p. 15.