Ngimba mubelengilepo inkhani sya kyinja iki isi sikwaghiwa mu Ingasya ya Ndindilili? Keta linga mubaghile ukwamula amalalusyo agha:

Ngimba pa Yakobu 5:11 pikunangisya ubuketi buliku ubwakuti Yehova “wakibabilisi ikikulumba” kangi “wakisa”?

Tusimenye ukuti panongwa ya kisa kyake, Yehova ikulonda ukutuhobokela imbibi syitu. Pa Yakobu 5:11 pikutusimikisyila ukuti umwene ikulonda kangi ukututula. Tukulondiwa ukunkonga.—w21.01, peji 21.

Nongwa yafiki Yehova abapele bamo ubudindo?

Umwene abombile isi panongwa ya lughano. Ulubatiko ulu lukutula ukuti imbumba ya Yehova yibombeghe ifindu ndutengano na ndubatiko. Umundu aliwesa uwa mu mbumba linga ikukolelana nulubatiko ulu ikumanya uyu ali nubudindo ubwakusala ifyakubomba nukubapwelelela aba mu mbumba yake.—w21.02, peji 3.

Nongwa yafiki Abakristu bikulondiwa ukuya maso linga bikutuma amameseji pa foni pamo patabuleti?

Linga umundu asalile ukubombela ifoni pamo itabuleti, ikulondiwa ukusala kanunu abandu abakwangala nabo. Loli ukubomba isi kukafu linga mukutumilana amameseji pa gulu. (1 Tim. 5:13) Kangi kubaghile ukuya kubibi fiyo linga mukufumusya inkhani isya butungulu pamo ukubombela ifindu ifya gulu ukuti mo musyaghileghe indamala.—w21.03, peji 31.

Ngimba fifukwa filiku ifi Kyala alitikisye ukuti Yesu atamiwe nu kufwa?

Ikifukwa ikyakwanda kyo kyakuti Yesu’ alondiwagha ukukomeliwa pa mpiki uwakutamiliwapo ukuti Abayuda babuliwe kukighune. (Gal. 3:10, 13) Ikifukwa ikyabubili kyo kyakuti Yehova ammanyisyagha Yesu ubudindo ubu isakuya nabo nkyeni pakuya Mputi Unkulumba. Kangi ikyabutatu kyo kyakuti panongwa yakuti Yesu anangisye ubusubiliwa mpaka inifwa yake syanangisye ukuti abandu babaghile ukukindilila ukuya basubiliwa nalinga ukuti bikugheliwa. (Jobu 1:9-11)—w21.04, peji 16-17.

Ngimba mukulondiwa ukubomba isyafiki linga abandu batikwaghiwa mubufumusi?

Mughelegheleghe ukufika pakabalilo aka bighanile ukwaghiwa pakaya. Mufumusyeghe amalo aghakukindanakindana. Kangi mwiyipeghe ukufumusya mu njila isingi bo ukulemba abakalata.—w21.05, peji 15-16.

Ngimba untumiwa Pauli asanusyagha isyafiki bo ikuyoba ukuti: “Munjila ya ndaghilo mo ndi mfwe itolo kundaghilo”? (Gal. 2:19)

Indaghilo isi Kyala abapele Abaisraeli ukwendela mwa Mose syapangisyagha abandu abasitabugholofu ukuti basikongeghe nukubalongosyela kwa Kristu. (Gal. 3:19, 24) Isi syalimpangisye Pauli ukuti amwitike Kristu. Panongwa ya isi, Pauli “ali mfwe kundaghilo”; indaghilo sya Mose sikali nimbombo kumyake.—w21.06, peji 31.

Ngimba Yehova ikutunangisya bulebule ikifwanikisyo ikinunu pa nkhani ya kwifimbilisya?

Yehova ifimbilisye ukunyoziwa kwa ngamu yake, ukususiwa kwa bulaghili bwake, ukusambukila kwa banake, ubutungulu bwa Setano, ukutamiwa kwa babombi bake, ukulekana na bamanyani bake aba bafwile, ukunyoziwa kwa bandu nu konangika kwa kipeliwa kyake.—w21.07, peji 9-12.

Ngimba Yosefu anangisye kifwanikisyo kiliku ikinunu pa nkhani yakunangisya ubololo?

Umwene alifimbilisye ku findu ifibibi ifi abakulu bake bambombelagha. Isi syapangisye ukuti bampe inongwa iyabutungulu nukumbika mu jele ku Egiputi kwa fyinja fingi.—w21.08, peji 12.

Ngimba ilemba lya Hagai 2:6-9, 20-22 lyayobile ngani isya kupalaghania kuliku?

Abandu bikususya amasyu gha Bunyafyale agha tukubafumukisya, loli bingi bamanyile ubwanaloli. Mwalululu abandu bisakuswigha linga bisakupyutiwa.—w21.09, peji 15-19.

Nongwa yafiki tutikulondiwa ukukatala pambombo yitu iyakufumusya?

Yehova ikuketa ukwiyipa kwitu kangi ikundaghisya fiyo. Linga tutikukatala kangi tutikuwa amaka, twisakubwagha ubumi bwa bwila na bwila.—w21.10, peji 25-26.

Ngimba Banyalevi chaputala 19 likututula bulebule ukukonga ubulongosi ubwakuti: “Muyeghe bikemo ndwendo lwinu losa”? (1 Pet. 1:15)

Amasyu gha pi vesi ili ghikwaghiwa na pilemba lya Banyalevi 19:2. Ichaputala 19 likuyoba ififwanikisyo fingi ifya muno tubaghile ukukongela amasyu agha ghali pilemba lya 1 Peteri 1:15 pa bumi bwitu.—w21.12, peji 3-4.