Belenga Abalongi 11:​30-40 ukuti tumanyile ukufuma ku nkhani ya Yefuta nu mwanake undindwana pankhani yakufwanisya isi tufingile.

Mumanyileghe nyingi ukufuma pankhani iyi mukubelenga. Ngimba Abaisraeli abasubiliwa basiketagha bulebule isi bafingagha kwa Yehova? (Kuba. 30:2) Ngimba Yefuta nu mwanake undindwana banangisye bulebule ukuti bansubilagha Yehova?—Balo. 11: 9-11, 19-24, 36.

Mufufuzeghe fiyo. Ngimba Yefuta abaghile ukuti inong’onelagha isyafiki bo ikufinga ulufingo? (w16.04 7 ¶12) Ngimba Yefuta nu mwanake undindwana baliyipile ukubomba isyafiki ukuti bafwanisye isi bafingile? (w16.04 7-8 ¶14-16) Ngimba Abakristu amasiku agha bikufinga isyafiki?—w17.04 5-8 ¶10-19.

Musyagheghe ifundo isi mukumanyilako. Amwilalusye ukuti:

• ‘Ngimba findu fiki ifi fibaghile ukundula ukukindilila ukufwanisya ulufingo lwangu ulwakwiyipa?’ (w20.03 13 ¶20)

• ‘Ngimba mbaghile ukubomba isyafiki ukuti numbombeleghe Yehova nindumbula yosa?’

• ‘Ngimba mbaghile ukwiyipa bulebule ukuti mfwanisye ulufingo lwangu lwa bweghi?’ (Mat. 19:​5, 6; Ef. 5:​28-33)