Imbumba yimo iyi yighanile ukubelenga inkhani isyakulingania ubumi bwa bandu yatile: “Inkhani isi sikutukasya kangi tukuhoboka fiyo linga tukubelenga. Sikutukumbusya ukuti nanuswe tubaghile ukuya basubiliwa linga twaghene ni ndamyo.” Umulumbu yumo uyu ikwipilika mwakufwana itolo atile: “Inkhani isi sikutukasya kangi sikutufika pandumbula. Isi bikwaghana nasyo abakamu na balumbu aba syakukasya kangi syakutula fiyo. Inkhani syabo sikungasya ukuti niyipeghe mubufumusi kangi sindulile ukuti mbakasyeghe abanangu ukuti beghengepo ikighaba pakumbombela Yehova mububombeli bwa kabalilo kosa.”

Inkhani isyakulingania ubumi bwa bandu sibaghile ukubakasya ukuti mughelegheleghe ukubomba nyingi pakumbombela Yehova, ukuleka ukuwa amaka nukwifimbilisya mwalusekelo ku ndamyo isyakukindanakindana. Ngimba mubaghile ukusyagha kughu inkhani isi?

• Keta inkhani “Isyakulingania Ubumi bwa Bandu isya Baketi ba Yehova” pa jw.org pamo pa Watchtower Library

• Fufuza inkhani “Isyakulingania Ubumi bwa Bandu isya Baketi ba Yehova” pa Watchtower ONLINE LIBRARY pamo pa Watchtower Library.