Tukumwiputa Yehova pakuya gulu bo kungomano sya kipanga, isyapadela nisyadela, patwibene kangi napambumba. Keta ifundo simo isi mubaghile ukumanyila pamwibene kangi napakumanyila kwa pambumba:

• Mwitendekesyeghe ingomano sya kipanga. Mubaghile ukwitendekesya mwakwimba inyimbo kangi nukubatula bosa mumbumba ukwitendekesya ifundo isyakuti bakamulepo.

• Mubelengeghe inkhani ya mu Baibolo. Ukufuma apo, mujambuleghe ikithuzi ikya ifi fikubombiwa munkhani iyo pamo mulembeghe isi mumanyilepo.

• Mubelengeghe inyiputo sya bandu isi sikwaghiwa mu Baibolo nukuketa muno sibaghile ukubatulila ukuti inyiputo syinu siyeghe syakupilikiwa kanunu.

• Muketeleleghe amavidiyo pa jw.org ukufuma apo muyobesanieghe nabangi pamo ukulemba ifundo isi mukumanyilapo.

• Mwitendekesyeghe ubufumusi. Lumo yumo uwa mumbumba abaghile ukufwana mundu uyu mukumfumukisya kangi mubaghile ukwitendekesya isi mukulonda ukwakuyoba.

• Muketesyeghe ikipeliwa nukwinong’onelapo pamo ukuyobesania isi kikubamanyisya isyakufwana na Yehova. a