Twesa tuli nakabalilo akanandi akakuti tumanyileghe patwibene. Ngimba tubaghile ukubombesyela bulebule kanunu akabalilo kitu? Ikyakwanda, muyeghe nakabalilo. Mukuya pakusayiwa fiyo mwakubelenga ifundo inandi itolo ukukinda ukubelenga ifundo nyingi mwakubopela.

Ukufuma apo, musaleghe inkhani isyakulondiwa isi mubaghile ukwanda ukubelenga. (Ef. 5:15, 16) Keta amasakisyo agha:

• Mubelengeghe Ibaibolo isiku lililyosa. (Sal. 1:2) Kubaghile ukuya kwakutula fiyo ukwanda ukubelenga amachaputala agha ghali mu mbatiko ya ngomano sya nkati mwasabata.

• Mwitendekesyeghe Ingasya ya Ndindilili Iyakumanyila ningomano isya nkati mwasabata. Mwitendekesyeghe kanunu ukuti mukamulepo.—Sal. 22:22.

• Linga muli nakabalilo, muketeleleghe nukubelenga ifindu ifingi fyamwambepo bo amagazini aghakuyabila, amavidiyo nifingi ifi fikwaghiwa pa jw.org.

• Mufufuzeghe inkhani isi sikubahobosya. Mubaghile ukufufuza inkhani isi sikuyoba isya ndamyo isi mukwaghana nasyo, amalalusyo agha mukwilalusya pamo inkhani ya mu Baibolo iyi mukulonda ukuyipilikisya kanunu. Ukuti mumanye injila isi mubaghile ukukonga, keta ikighaba ikyakuti “Vyakuchita Pakusambira Baibolo” pa jw.org.