Ubusololi ubu buli mu tchati bukulingania isya findu ifi fwabombiwe pakabalilo kamokene. Ubwene bukunangisya ukuti tukwikala m’masiku aghakubumalikisyo.”—Dan. 12:4.

• Amalemba Ubuset. 11:7; 12:13, 17; 13:1-8, 12

  Ubusololi “Ikinyamana” kibalaghile abandu pa kisu kyapasi kwa fyinja ifyakukinda 3,000. M’masiku aghabumalikisyo agha, ikinyamana ikya mitu mihano na mibili kifulele. Ukufuma apo untu wake ghubumbulwike kangi “ikisu kyosa,” kikukikonga ikinyamana. Setano ikubombela ikinyamana iki “ukulwa ubwite na aba basyele.”

  Ukufwanisiwa Ukufuma pamwelesyo, amaboma agha ghakakolelanagha na babombi ba Yehova ghikubalaghila abandu. Ifyinja fyakukinda 3,000 ubulaghili bwa Britain bwawile amaka pakabalilo ka bwite ubwakwanda ubwa pa kisu kyosa. Bwalyandile ukuya namaka kangi bo bwandile ukukolelana nikisu kya United States. M’masiku ghabumalikisyo agha, Setano ikubombela amaboma agha ukubafwima ababombi ba Kyala.

• Ilemba Dan. 11:25-45

  Ubusololi M’masiku ghabumalikisyo, umwalafyale wa kululu nu wa kwitongo bikulwila ubulaghili.

  Ukufwanisiwa kwa bwite bwa pakati pa German, Britain na America. Mu 1945 iboma lya Soviet Union nifisu ifingi fyalyandile ukulaghila bo mwalafyale wa kululu. Mu 1991, iboma lya Soviet Union lyawile amaka, ukufuma apo, ikisu kya Russia nifisu ifingi fyalyandile ukulaghila bo mwalafyale wa kululu.

• Amalemba Yes. 61:1; Mala. 3:1; Luka 4:18

  Ubusololi Yehova ikuntuma “uwandumi wake” ukuti “akatendekesye injila” bo Ubunyafyale bwa Mesiya bukali ukwanda ukulaghila. Akagulu aka katumiwe ukuti “kakafumusye amasyu amanunu ku bakwiyisya.”

  Ukufwanisiwa Ukufuma mu 1870, C. T. Russell nabinake baliyipile fiyo ukuti baghomokesye ubwanaloli bwa mu Baibolo. Mu 1880 balyandile ukubakasya ababombi ba Kyala ukuti bafumusyeghe. Abene balyandile ukuyoba inkhani bo isya mitu iyakuti, “Wanted 1,000 Preachers” niyakuti “Anointed to Preach.”

• Amalemba Mat. 13:24-30, 36-43

  Ubusololi Umundu ikusopa ingano mungunda, ukufuma apo undughu ikusopa undulwe mungunda. Undulwe wakulile ukukinda ingano. Pakabalilo ka ntondolo undulwe wapaghuliwe ukufuma ku ngano.

  Ukufwanisiwa Ukufuma mu 1800 Abakristu ba bwanaloli balyandile ukubamanya Abakristu ba butungulu. M’masiku gha bumalikisyo, Abakristu bikwingila nkipanga kya bwanaloli.

• Amalemba Dan. 2:31-33, 41-43

  Ubusololi Inyayo sya kyela ni sya mfu isi sili pa kithuzi iki sipangiwe nifyela fyakukindanakindana.

  Ukufwanisiwa Umfu ghukwimila abandu aba bikulaghiliwa nu bunyafyale bwa Britain na America aba bikughasambukila amaboma agha. Panongwa ya bandu aba amaboma agha ghakabaghila ukulaghila namaka ghosa.

• Amalemba Mat. 13:30; 24:14, 45; 28:19, 20

  Ubusololi “Ingano” bikuyibungania “mundamba” kangi “umbombi unsubiliwa nuwamahala” yo imikiwe “panyumba yake.” Imbombo iyakufumusya “amasyu amanunu gha Bunyafyale” ghafikile ku “fikolo fyosa.”

  Ukufwanisiwa Mu 1919 umbombi unsubiliwa nuwamahala yo imikiwe ukuti aketesyeghe ababombi ba Kyala. Ukufuma pakabalilo kala ukufika lino, abamanyili ba Baibolo bikukindilila ukufumusya. Amasiku agha, Abaketi ba Yehova bikufumusya mfisu ifyakukinda 200 kangi bikusanusya amabuku munjobelo isyakukinda 1,000.

• Amalemba Dan. 12:11; Ubuset. 13:11, 14, 15

  Ubusololi Ikinyamana kya mbembe ibili kikubabula abandu ukuti “batendekesyeghe ikifwani kya kinyamana,” kangi ikyene “kikukipa” umuyi ikifwani.

  Ubusololi Ubulaghili Bwa Maka Fiyo pa Kisu Kyosa Ubwa Britain na America bwalyandisye akabughatila ka League of Nations. Akabughatila aka kikutuliwa nifisu ifingi. Ukufuma nkyinja kya 1926 ukufika mu 1933, umwalafyale wa kululu ali wankabughatila ka League of Nations. Abandu basubilagha ukuti akabughatila ka League of Nations na ka United Nations (UN) twayagha pakutwala ulutengano isi Ubunyafyale bwa Kyala bwene bo bwayagha pakufwanisya.

• Ilemba Dan. 8:23, 24

  Ubusololi Isakubonekagha umwalafyale ungasi uyu “isakutwala ukupalaghanika ukusisya fiyo.”

  Ukufwanisiwa Ubulaghili Bwa Maka Fiyo pa Kisu Kyosa Ubwa Britain na America bughoghile abandu bingi nu kutwala indamyo nyingi. Mwakifwanikisyo, ikisu kya United States kyabonangile abalughu babo nifilwilo fyamaka pakabalilo ka bwite ubwa bubili ubwa pakisu kyosa. Ifilwilo ifi fyalyonangile ifindu fingi.

• Amalemba Dan. 11:31; Ubuset. 17:3, 7-11, 16

  Ubusololi “Ikinyamana ikifubifu” kikufyuka ukufuma mbwina ubusolofu kangi yo mwalafyale uwa buhano nabutatu (8). Imbembe syake kalongo sikumonanga “undowe,” kangi ukufuma apo ikinyamana ikifubifu iki kilinkupyutiwa. Ibuku lya Danieli likuyoba isyakufwana nu mwalafyale uyu ukuya “kinyanyasi ikipelalutende.”

  Ukufwanisiwa Akabughatila ka League of Nations kamalike pa bwite ubwabubili. Bo ubwite bumalike, akabughatila ka UN ‘kalimikiwe.’ Mwakufwana itolo na kabughatila ka League, akabughatila ka UN kope kapeliwagha amapalo agha ghabaghiliwe kwene ku Bunyafyale bwa Kyala. Akabughatila ka UN kikuya pakunsambukila Babeloni Unkulumba.

• Amalemba 1 Tes. 5:3; Ubuset. 17:16

  Ubusololi Abandu bisakufumusyagha amasyu aghakuti “patengene pali kanunu itolo,” “imbembe kalongo” “nikinyamana” fisakunsambukilagha “undowe.” Ukufuma apo, abandu bisakonangiwagha.

  Ukufwanisiwa Abandu bisakufumusyagha ukuti batwele ulutengano nukufighililiwa pa kisu. Kangi abandu bisakonangagha amatchalichi ghabutungulu. Isi sisakunangisya ukuti ubutolwe ubukulumba bwandile. Ubutolwe ubukulumba bwisakumalika linga Yesu onangile ikisu kya Setano.

• Amalemba Eze. 38:11, 14-17; Mat. 24:31

  Ubusololi Gogi isakubasambukilagha ababombi ba Kyala. Ukufuma apo, abandumi bisakubabunganiagha “abasaliwa.”

  Ukufwanisiwa Umwalafyale wa kululu namaboma gha pa kisu kyapasi bisakubasambukilagha ababombi ba Kyala. Linga ukusambukiliwa uku kwandile, abapakiwa aba bisakusyala bisakubunganagha kumwanya.

• Amalemba Eze. 38:18-23; Dan. 2:34, 35, 44, 45; Ubuset. 6:2; 16:14, 16; 17:14; 19:20

  Ubusololi “Uyu itughele” pa “falasi inyelu” isakumalisya “imbombo yake” mwakumonanga Gogi nabasilikali bake. “Ikinyamana” “kilinkutaghiwa kyumi itolo mu nyanja ya moto,” kangi ilibwe lilinkukyonanga ikifwani.

  Ukufwanisiwa Yesu undaghili wa Bunyafyale bwakumwanya, isakubapoka ababombi ba Kyala. Yesu, aba 144,000 nabandumi bisakubonanga abandu bosa aba bikubasambukila ababombi ba Kyala. Ubu bwisakuya bumalilo bwa kisu kya Setano.