Belenga Ubwandilo 37:​23-28; 39:​17-23 ukuti mumanyileko simo isyakufwana namuno Yosefu ifimbilisyilagha.

Belenga inkhani yosa. Nongwa yafiki Yosefu alyaghene nindamyo? (Bwa. 37:​3-11; 39:​1, 6-10) Ngimba Yosefu alifimbilisye mpaka ndili? (Bwa. 37:2; 41:46) Pakabalilo kala, ngimba Yehova alimbombile ifindu fiki Yosefu, kangi findu fiki ifi akalimbombile?—Bwa. 39:​2, 21; w23.01 17 ¶13.

Manyila nyingi. Ibaibolo litikuyobapo ukuti Yosefu alifighilile kubutungulu ubu unkasi wa Potifari ayobile. Ngimba amalemba ghakukongapo agha ghabaghile ukututula bulebule ukumanya ikifukwa iki Yosefu akabombilepo simo pamo ikifukwa iki tutikulondiwa ukughulila ukuti fyosa fisamanyiwe? (Mbu. 20:2; Yoh. 21:25; Imbo. 21:37) Ngimba findu fiki fyalintulile Yosefu ukwifimbilisya?—Mika 7:7; Luka 14:11; Yak. 1:​2, 3.

Ngimba tukumanyilako isyafiki? Amwilalusye ukuti:

• ‘Ngimba mbaghile ukwaghana nindamyo yiliku pakuya mmanyili wa Yesu?’ (Luka 21:​12, 16, 17; Hib. 10:​33, 34)

• ‘Ngimba mbaghile ukwitendekesya bulebule ukwifimbilisya linga bamo bambombile ifindu ifibibi?’ (Sal. 62:​7, 8; 105:​17-19; w19.07 2-7)