“Linga utubalilo tumo ngutamiwa naminong’ono, Yehova ikungasya ukwendela munyimbo isi sikuya mu JW Broadcasting^®.”—Lorraine, U.S.A.

Utubalilo tosa, Abakristu bikwimba inyimbo ukuti bampale Kyala. (Kolos. 3:16) Linga musisungile inyimbo isi pandumbula, sibaghile ukubatula nalinga mukaya nalyo ibuku lya nyimbo pamo inyimbo sya pafoni. Ukukonga ifundo isyakukongapo isi, kukuya pakubatula ukuti mukumbukileghe inyimbo simo.

• Mubelengeghe kanunu amasyu ukuti mupilikisyeghe isi sikusanusya. Linga mupilikisye kanunu isi ikindu kimo kikusanusya, kukuya kupepe ukukikumbukila. Amasyu gha munyimbo syosa, ukongelelapo inyimbo isya padela nisya bana, ghikwaghiwa pa jw.org. Pakighaba ikyakuti Library, buka pa Sumu.

• Mulembeghe amasyu gha nyimbo pipepala. Ukubomba isi kukuya pakubatula fiyo ukuti mukumbukileghe.—Kukumbu. 17:18.

• Mwimbeghe mwakukwesya amasyu. Mubelengeghe pamo ukwimba ulwimbo mwakwandisania.

• Keta linga isi musungile mukukumbukila. Mugheleghe ukukumbukila kisita kuketa pibuku, ukufuma apo muketeghe pibuku linga mukubomba kanunu.