Ngimba mukulonda ukumanyila nyingi ukufuma ku isi mukumanyila pamwibene? Mubaghile ukughela ukubombela ifundo isi ukuti musayiweghe linga mukubelenga:

• Mulondeghe amalo amanunu. Mubaghile ukulonda amalo agha ubwelu bulipo, kangi agha mubaghile ukubelengapo kanunu. Mubaghile ukwikala patebulo pamo pamalo agha mubaghile ukubelenga kanunu.

• Mulondeghe amalo agha mubaghile ukuya mwibene. Yesu asalile ukwiputa “nulubunju bo bukali nukukya” umwene “alinkubuka ndukubo.” (Mar. 1:35) Linga amalo agha mubaghile ukuyapo mwibene ghatikwaghiwa, mubaghile ukubabula aba mumbumba yinu isya mbatiko yinu iyakumanyila nukubasuma ukuti babinong’oneleghe.

• Mungasofanisiwagha. Linga mukubombela ifoni pamo itabuleti pakubelenga, mubaghile ukuyibika ku airplane mode ukuti yingabasofaniagha. Kangi linga mukulonda ukubomba ikindu kimo bo mukubelenga, mukilekeghe tasi ukukibomba ukuti musabombe linga mumalile ukubelenga. Linga mukuketa ukuti mutikupilikisya, mubaghile ukutusyapo panandi.