Ngimba utubalilo tumo kukuya kukafu ukukumbuka isi mubelengile? Isi sikubombiwa kwa aliwesa utubalilo twingi. Ngimba mubaghile ukubomba isyafiki? Mwinong’oneleghe ifundo inywamu.

Linga mukubelenga, mukulondiwa ukuti mwimeghe tasi ukuti mukete ifundo inywamu. Isagha tukete muno untumiwa Pauli abakasyile aba abalembelagha kalata wake. Umwene atile: “Lelo akakulumba muli isi tuyobile ko ka kuti.” (Hib. 8:⁠1) Mwakubombesyela amasyu agha, umwene abatulile ukuti bakongeghe ifundo syake nukuyobesania muno ifundo yiliyosa yibaghile ukukolelana ninkhani yake.

Mubaghile ukubombela akabalilo, pamo amaminiti 10 ukuti mughomokelemo mufundo inywamu isi mubelengile. Linga mutikukumbuka mubaghile ukuketa kangi utumitu utunandinandi pamo inkhani iyi yili mupalagilafu. Linga mumanyile ikindu kimo, mugheleghe ukulingania mmasyu ghinu. Bo mukwinong’onela kangi ifundo inywamu, kukuya kupepe ukuti muyikumbukeghe. Isi sikuya pakubatula ukupilikisya kanunu muno ifundo iyo yibaghile ukubatulila pabumi bwinu.