Mubaghile Ukusala Ubumi Ubununu Ubwa Nkyeni
Ifyinja ifyakufwana 3,500 ifi fikindilepo, Yehova Kyala ababulile aba bamwiputagha isi balondiwagha ukubomba ukuti basabwaghe ubumi ubununu ubwa nkyeni. Umwene ikuti: “Nikubabula ukuti musale umusyughu pa findu fibili ifi, ubumi nubufwe, ulusayo nikighune; amusaleghe ubumi ko kuti mwesa muyeghe bumi, yuyumwe nabanduyungu lwinu.”—Ukukumbusya Indaghilo 30:19.
Ukuti basabwaghe ubumi ubununu ubwa nkyeni, abandu aba balondiwagha ukusala kanunu ifyakubomba. Nanuswe amasiku agha tukulondiwa ukubomba mwakufwana itolo. Ibaibolo likulingania muno tubaghile ukubombela ukuti tusabwaghe ubumi ubununu ubwa nkyeni: Mwakungana “Yehova Kyala winu nukukonga isi ikubabula.”—Ukukumbusya Indaghilo 30:20.
NGIMBA TUBAGHILE UKUNGANA BULEBULE YEHOVA NUKUKONGA ISI IKUTUBULA?
MUMANYILEGHE UKUFUMA MU BAIBOLO: Ukuti mungane Yehova, ikyakwanda mukulondiwa ukumanyila isyakufwana numwene ukufuma mu Baibolo. Linga mukubomba isi, mukuya pakumanya ukuti umwene yo Kyala walughano uyu ikutulondela ifinunu. Umwene ikubabula ukuti mwiputeghe kumyake “namanga umwene ikubiyayila umwe.” (1 Peteri 5:7) Ibaibolo lifingile ukuti linga mukwiyipa ukuseghelela ku myake, “po yope isakuseghelelagha kumyinu.”—Yakobu 4:8.
MUKONGEGHE ISI MUKUMANYILA: Ukupilikisya kwa Kyala kukusanusya ukukonga ubulongosi bwake bwa mahala ubu bukwaghiwa mu Baibolo. Linga kubomba isi, “po lelo sikuyagha bununu syosa isi kubombagha.”—Yoswa 1:8.
^ ipal.7 Mubaghile ukubelenga Ibaibolo pa intaneti munjobelo isyakufwana 7 ukongelelapo injobelo ya Mandarin na Cantonese Chinese.
