Ngimba Kyala Ikupilika Inyiputo Syinu?
Linga mukwiputa, ngimba mukwinong’ona ukuti Kyala ikubapilika naloli?
NGIMBA IBAIBOLO LIKUYOBA ISYAFIKI?
Kyala ikupilikisya. Ibaibolo likutusimikisyila ukuti ‘Yehova ali pipi itolo kuli bosa aba bikunsuma, na bosa aba bikwiputa kumyake mbwanaloli. . . . Ikupilika ninguto yabo nukubapoka.’—Salimo 145:18, 19.
Kyala ikulonda ukuti mwiputeghe kumyake. Ibaibolo likutubula ukuti: “Ntundu tosa isi mufumbilwe muntwalileghe Kyala ndwiputo, ndupyelesyo, pamopene na nkuwa ulupi.”—Bafilipi 4:6.
Kyala ikutupasikisya naloli. Kyala ikumanya isi tukwiyaya nasyo kangi ikulonda ukututula. Ibaibolo likuti, “Syosa isi mukwiyaya nasyo syo muntaghileghe yuyo, namanga umwene ikubiyayila umwe.”—1 Peteri 5:7.