Nongwa Yafiki Abandu Bikubengana?
Nongwa yafiki abandu babengene fiyo pa kisu kyapasi? Ukuti tumanye ikifukwa kyake, tukulondiwa ukumanya isi ukubengana kukusanusya, inongwa iyi abandu bikubengana kangi inongwa iyi ukubengana kuli paliposa.
Ngimba ukubengana kukusanusya isyafiki?
Ukubengana kukusanusya ukuleka ukungana umundu yumo pamo igulu limo lya bandu. Isi sikongelelapo ukunkalalila fiyo umundu yumo.
NONGWA YAFIKI ABANDU BIKUBENGANA?
Abandu bikubengana pafifukwa fyakukindanakindana. Abene babaghile ukubengana panongwa yakukindana uluko, nalinga ukuti bakabonangilapo nafimo ifibibi. Kangi babaghile ukubengana panongwa yakuti bikwinong’ona ukuti uluko lwabo lubibi, bakutilisya kangi bakabaghila ukuchenja. Abene babaghile ukubaketa ukuti bakaya bakulondiwa, bakutilisya pamo bikutwala indamyo. Bosa aba bikubengiwa babaghile ukubabombela ifyankhaza, ifindu ifisitabugholofu pamo ifindu ifi fibaghile ukubafulasya pa bumi bwabo.
NGIMBA UKUBENGANA KUKUKINDILILA BULEBULE?
Utubalilo tumo abandu bikubabenga abangi nalinga ukuti bakaghanamo lumo. Mwakifwanikisyo, umundu yumo abaghile ukuya naminong’ono amabibi ku bandu bamo. Isi sibaghile ukupangisya ukuti ukubengana uku kukindilileghe.
Linga tukuketa muno ukubengana kukukindilila, tukumanya inongwa iyi abandu bamo bikubabenga abangi. Loli tukulondiwa ukumanya isi syalyandisye ukubengana nukuleka ukubabenga abangi. Tubaghile ukumanya isi ukwendela mu Baibolo.
IBAIBOLO LIKUYOBA MUNO UKUBENGANA KWALYANDILE
UKUBENGANA KUKALYANDILE NA BANDU. Ukubengana kwalyandile pakabalilo aka uwandumi uwakumwanya, uyu alyandile ukumanyiwa ukuya yo Setano Umohesi, alinsambukile Kyala. Umohesi “alyandile ukughogha abandu” bo andile ukulaghila. Pakuya “ntungulu kangi wise wabutungulu,” umwene ikupangisya ukuti abandu bayeghe bakali kangi babenganeghe fiyo. (Yohani 8:44; 1 Yohani 3:11, 12) Ibaibolo likunjoba Setano ukuya mbibi kangi nkali.—Jobu 2:7; Ubusetuli 12:9, 12, 17.
KUPEPE KU BANDU ABASITABUGHOLOFU UKUBENGANA. Umundu wakwanda, Adamu, akongile ubutulanongwa bwa Setano. Ifyakukongapo fyake, ubutulanongwa bulinkusatanila mbandu bosa. (Baroma 5:12) Umwana wakwanda unnyambala uwa Adamu, Kaini, alingoghile unnughuna wake Abeli. (1 Yohani 3:12) Ukuyoba ubwanaloli, abandu bingi bikukindilila ukunangisania ulughano ni kisa. Loli panongwa yabutulanongwa bwa Setano, abandu bingi bakwibona, bali nubufi kangi balwitufyo, isi sikupangisya ukuti bababengeghe abangi.—2 Timoti 3:1-5.
UMUNDU UYU AKAYA NULUGHANO IKUBABENGA ABANGI. Nkisu iki abandu bakaya nikisa kangi bali nutuyilo utubibi. Abene bakwitufya, bikusalana, bamahelu, bankhaza kangi bikonanga ifindu panongwa yakuti “ikisu kyosa kili mmaboko gha mbibi,” Setano Umohesi.—1 Yohani 5:19.
Loli Ibaibolo likulingania nyingi ukukinda ukuyoba itolo isyakufwana nakayilo akakubengana. Likuyoba kangi muno abandu babaghile ukubombela ukuti bangabenganagha.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Ubutulanongwa Bwakwanda Fyali Findu Fiki?
Adamu na Eva bakalimpilikile Kyala kangi babambukisye abanabo bo muno abapapi bikubambukisya abanabo imbungo.
