Linga mukabengiwamo, lumo muketilemo abandu aba babengiwemo. Utubalilo twingi tukupilika isyakufwana na bandu aba babengiwe panongwa yakuti bafumile nkisu ikingi, bakindene uluko pamo panongwa yakuti beghene abanyambala pamo abakikulu bene. Ifyakukongapo fyake, amaboma ghikubika indaghilo nyingi isyakutula ukumalana nakayilo akakubengana.

Utubalilo twingi abandu aba babengiwe bope bikubabenga abangi nu kubabombela ifindu ifibibi. Isi sikupangisya ukuti ukubengana uku kukindilileghe.

Lumo abandu bamo bikubasala, bababengile, bikubanyoza, bikubatuka kangi bikubatilisya. Loli ukubengana uku kukukindilila. Isi sikupangisya ubukalale, ukunyozana, ukonanga ifindu, ukusambukila, ukukolelela nu kubaghogha abandu bingi.

Magazini iyi yikuya pakwamula amalalusyo aghakukongapo agha kangi namuno tubaghile ukumalana nakayilo akakubengana:

• Nongwa yafiki abandu babengene fiyo?

• Ngimba tubaghile ukumalana bulebule nakayilo akakubengana?

• Ngimba ukubengana kwisakumalika?