MUNO TUBAGHILE UKUMALANA NAKAYILO AKAKUBENGANA
2 | Tungaghomokesyagha Imbibi pa Mbibi
Ibaibolo Likuti:
“Mungangomokesyagha yumo imbibi pambibi. . . . Linga mwaghile sibitike umwe, po muyeghe ndutengano nabandu bosa. Mwe bamyitu mungabukisaniagha ikibuli, . . . buno lisimbiwe ili likuti: ‘“Ulubukisyo lo lwangu; Nisakubusyagha yuyune,” bo ikuya Yehova.’”—BAROMA 12:17-19.
Ngimba Amasyu Agha Ghikusanusya Isyafiki?
Linga umundu yumo atukalalisye, tukukalala loli Kyala atikulonda ukuti tungomokesyeghe umundu uyu atukalalisye. M’malo mwake, umwene ikulonda ukuti tuyeghe bololo panongwa yakuti mwalululu ikuya pakumasya ifindu ifibibi.—Salimo 37:7, 10.
Isi Mubaghile Ukubomba:
Linga abandu abasitabugholofu bikughomokesya imbibi, sikupangisya ukuti babenganeghe fiyo. Yonongwa yake, linga umundu yumo atukalalisye tutikulondiwa ukughomokesya. Tukulondiwa ukughelaghela ukwikola nu kubomba ifindu munjila yalutengano. Loli utubalilo tumo, kubaghile ukuya kununu ukusulako itolo isi sibombiwe. (Isya Mbupingamu 19:11) Bwanaloli ukuti, utubalilo tumo kubaghile ukuya kwakulondiwa ukubabula abangi isi sibombiwe. Mwakifwanikisyo, linga abandu bamo batubombile ifyankhaza, tubaghile ukubabula abapolisi pamo abakulumba ba boma.
Ukwikola kubaghile ukututula ukuti tungaghomokesyagha
Loli bule linga injila iyi musalile yikuboneka ukuti yikaya yalutengano ukuti mumasye indamyo? Pamo bule linga mubombile kale syosa isi mubaghile ukufwanisya ukuti mumasye indamyo ndutengano? Mungaghomokesyagha. Isi sibaghile ukongelela indamyo. Loli linga mukaghomokesya, sikuya pakubatula ukuti muleke ukubengana na bangi. Mukulondiwa ukusubila injila iyi Kyala ikumasyila indamyo. “Unsubileghe, po umwene isakubombelagha.”—Salimo 37:3-5.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Ibaibolo Likuyoba Isyafiki pa Nkhani Iyakubuyikisya?
Ubulongosi bwa mu Baibolo bubatulile abandu bingi ukuleka ukuya naminong’ono aghakubuyikisya.
