MUNO TUBAGHILE UKUMALANA NAKAYILO AKAKUBENGANA
1 | Tungasalanagha
Ibaibolo Likuti:
“Kyala atikunsalila umundu mbundu bwake, loli mfikolo [fyosa] uyu ikuntila nukubomba ingolofu yo uyu umwene ikumwambilila.”—IMBOMBO SYA BATUMIWA 10:34, 35.
Ngimba Amasyu Agha Ghikusanusya Isyafiki?
Yehova * Kyala atikutulonga panongwa ya fikolo, uluko, muno umbili witu ghuyilile pamo inyiho syitu. M’malo mwake, umwene ikuketa isi sili mundumbula yitu. Kangi Ibaibolo likuti, “umundu ikwenesya akabonekelo mu mbili loli Yehova ikwenesya mundumbula.”—1 Samueli 16:7.
Isi Mubaghile Ukubomba:
Nalinga ukuti tukabaghila ukumanya isi sili mundumbula ya mundu, loli tubaghile ukunkonga Kyala mwakuleka ukubasala abangi. Tubaketeghe abandu bosa ukuya bakulondiwa. Linga mukuketa ukuti mukutoliwa ukubaketa abangi ukuya bakulondiwa panongwa yakukindana uluko pamo ifikolo, mukulondiwa ukwiputa kwa Kyala nu kunsuma ukuti abatule ukuleka ukuya naminong’ono bo agha. (Salimo 139:23, 24) Linga mukunsuma Yehova ukufuma pasi pandumbula ukuti abatule ukuleka ukubasala abangi, umwene ikuya pakwamula ulwiputo lwinu.—1 Peteri 3:12.
^ ipal.6 Yehova yo ngamu ya Kyala.—Salimo 83:18 NWT.
“Ngalyangelemo lumo mwalutengano nu nzungu . . . Lino ndiyumo wa Baketi ba Yehova pa kisu kyosa.”—TITUS
