INGASYA YA NDINDILILI Na. 1 2023 | Ukutamiwa Naminong’ono—Muno Ibaibolo Libaghile Ukututulila
Pakisu kyosa kyapasi, indamyo yakutamiwa naminong’ono yikubapalamasya abandu bingi fiyo. Abakilumyana nabakusi abakufuma mfikolo, munyiho namatchalichi aghakukindanakindana bikulimbana nindamyo iyi. Ngimba indamyo iyakutamiwa naminong’ono findu fiki, kangi yikubapalamasya bulebule abandu? Magazini iyi yikuya pakulingania ukulondiwa kwakwambilila ubutuli ubununu ukufuma kwa dokotala namuno Ibaibolo libaghile ukubatulila aba bikutamiwa nindamyo iyi munjila isyakukindanakindana.
Indamyo ya Pakisu Kyosa Iyakutamiwa Naminong’ono
Ukutamiwa naminong’ono kubaghile ukubapalamasya abandu aba mfyinja fyosa pamo aba luko ulwakukindanakindana. Keta muno ubulongosi bwa mu Baibolo bubaghile ukubatulila linga mukutamiwa naminong’ono.
Kyala Ikubapasikisya
Nongwa yafiki mubaghile ukuya nulusubilo ukuti Yehova Kyala ikupilikisya muno mukwipilikila ukukinda aliwesa?
1 | Ulwiputo—“Syosa isi Mukwiyaya Nasyo syo Muntaghileghe Yuyo”
Ngimba mubaghile ukumbula naloli Kyala isi mukwiyaya nasyo? Ngimba ulwiputo lubaghile ukubatula bulebule aba bikutamiwa naminong’ono?
2 | “Ukusubisiwa na Malemba”
Amasyu gha mu Baibolo ghikutupa ulusubilo lwa naloli ulwakuti ukutamiwa fiyo naminong’ono kukuya pakumalika.
3 | Ukubwagha Ubutuli Ukufuma Mfifwanikisyo fya mu Baibolo
Inkhani sya mu Baibolo isya banyambala na bakikulu aba bali naminong’ono bo aghitu sibaghile ukututula ukuketa ukuti tukaya twibene linga tukutamiwa naminong’ono.
4 | Ibaibolo Likutupa Ubulongosi Bwakutula
Keta muno ukwinong’onelapo pa mavesi gha mu Baibolo nukwibikila ubwighane bwakumbela Yehova kubaghile ukubatula linga mukutamiwa na minong’ono.
Muno Tubaghile Ukubatulila aba Bali Nindamyo Yaminong’ono
Ukubapa ubutuli bwitu kubaghile ukunchenja ummanyani winu uyu ikutamiwa nimbungo minong’ono.
