3 | Ukubwagha Ubutuli Ukufuma Mfifwanikisyo fya mu Baibolo
IBAIBOLO LIKULINGANIA . . . Isya banyambala na bakikulu abasubiliwa aba bope “bali bandu bo yuyuswe.”—YAKOBU 5:17.
Ngimba isi Sikusanusya Isyafiki?
Mu Baibolo muli inkhani isya banyambala na bakikulu aba batamiwagha naminong’ono. Linga tukubelenga isi balyaghene nasyo, tubaghile ukuketa ukuti bope bipilikagha bo muno tukwipilikila.
Ngimba isi Sibaghile Ukututula Bulebule?
Twesa tukulonda ukuti abangi bamanyeghe muno tukwipilikila. Loli tukusimanya kanunu linga twandile ukutamiwa naminong’ono. Linga tukubelenga inkhani sya bandu ba mu Baibolo, tukumanya kanunu nukupilikisya muno bipilikilagha pabumi bwabo. Ifyakukongapo fyake, tukumanya ukuti tukaya twibene linga tukulimbana nindamyo yaminong’ono.
Mu Baibolo muli inkhani nyingi isya bandu aba basulumaniagha panongwa yandamyo yaminong’ono. Ngimba mwipilikemo bo ulu, ‘nukuyoba ukuti ngabaghila ukwifimbilisya’? Mose yope ipilikagha bo muno Eliya na Davidi bipilikilagha.—Ukubaliwa 11:14; 1 Banyafyale 19:4; Salimo 55:4.
Ibaibolo likutubula isya nkikulu yumo uyu ingamu yake ali yo Hana ukuti alyaghene “nifyakubaba fiyo” panongwa yakuti akali nabana kangi unkasi unnine ambombelagha ifyankhaza.—1 Samueli 1:6, 10.
Ibaibolo likutubula isya mundu yumo uyu ingamu yake ali yo Yobu. Nalinga ukuti ali nulwitiko lwamaka mwa Yehova, umwene atamiwe fiyo naminong’ono kangi isiku limo atile: “Nikubunyanyala ubumi bwangu.”—Jobu 7:16.
Mwakumanyila muno abandu ba mu Baibolo bifimbilisyilagha kundamyo, nanuswe sibaghile ukututula ukughagha amaka ukuti tulimbane nindamyo yaminong’ono.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Tubaghile Ukumanyilako Isyafiki ku Bakikulu aba Bikuyobiwa mu Baibolo?
Keta ukukindana kwa bakikulu aba bikuyobiwa mu Baibolo na bakikulu aba bali babibi.
