Akabalilo kamo Yesu ayobile ukuti: ‘Nukupa nukwambilila, kusayiwa ku kupa.’ (Imbo. 20:35) Ubwanaloli ubu bukuyapo linga tuli pabumanyani na Yehova. Nongwa yafiki? Twambilile ifyabupe fingi fiyo ukufuma kwa Yehova ifi fikutupangisya ukuti tuye balusekelo loli tubaghile ukuya kangi nulusekelo ulunywamu linga tukumpa Yehova ikyabupe. Ngimba kyabupe kiliku iki tubaghile ukumpa Yehova? Ilemba lya Isya Mbupingamu 3:9 likuti: ‘Umwimikeghe Yehova pakumpa ikyuma kyako.’ Ifindu ifi tuli nafyo “ifya pamwanya” fikongelelapo akabalilo kitu, amaluso ghitu, amaka ghitu nifindu fyosa ifi tuli nafyo. Linga tukufibombesyela ifindu ifi tuli nafyo ukuti tukusye ubwanaloli, ko kuti tukumpa Yehova ikyabupe kangi ukubomba isi kukutwala ulusekelo ulunywamu fiyo.

Pankhani ya findu ifi tuli nafyo, ngimba findu fiki ifi fibaghile ukututula ukuti tungasulangako itolo ukumpa Yehova ifyabupe? Untumiwa Pauli ababulile abakamu ba ku Korinti ukuti ‘bibikileghe kamo akuma’ ukuya nsangulo. (1 Kor. 16:2) Ngimba mubaghile ukubomba isyafiki linga mukulonda ukuti mumanye nyingi isya muno mubaghile ukutulila nifyabupe nkighaba kyinu? Tukubasuma ukuti mukete ibokosi ili lili pasi apa.

Fikaya fisu fyosa ifi fibaghile ukubombesyela intaneti pakutula nifyabupe. Loli injila isingi isyamuno mubaghile ukutulila nifyabupe sikwaghiwa pa malo agha mubaghile ukubikapo ifyabupe fyinu. Mfisu fimo, ifomu ili lili na maansala gha malalusyo agha abandu bighanile ukulalusya ukufwana namuno babaghile ukutulila nifyabupe.