Nongwa Yafiki Abandu Batikubaghindika Abangi?

IGHULA

NONGWA YAFIKI UKUBAGHINDIKA ABANGI KWAKULONDIWA

Ukubaghindika abangi kukutula ukuti pangayagha imiywegho.

Ibaibolo likuti: “Ukwamulila mbutengamoyo kukubotesya ubukalale, loli ukwamulila mbukalale kukusumusya ingalalisi.” (Isya Mbupingamu 15:1) Ukuyoba nukubomba ifindu kisita lughindiko kukupangisya imiywegho kangi utubalilo twingi kukuya nifyakukongapo ifibibi.
Yesu atile: “Namanga isi siswile mundumbula, syo isi sikusoka nkanwa.” (Matai 12:34) Ukuyoba kisita lughindiko kubaghile ukunangisya muno tukubaketela abandu aba tukindene uluko, ikisu ninyiho syabo.

Abakufufuza baketile ukuti abandu abakukinda 32,000 aba bafumile mfisu 28, 65 pelesenti baketile ukuti ulughindiko nalumo.

ISI MUBAGHILE UKUBOMBA

Nalinga ko ku sukulu pamo ku mbombo, mukulondiwa ukubaghindika abandu bosa—nalinga mutikukolelana nabo. Mumanye ifindu ifi mubaghile ukukolelana nafyo. Isi sikuya pakubatula ukuti mungabasusyagha pamo ukubalonga.

“Mungabalongagha abangi ukuti nanumwe Kyala angisakubalongagha.”—Matai 7:1.

Mubabombeleghe abangi bo muno nanumwe mukulondela ukuti bababombeleghe. Linga mukubinong’onela abangi bope bikuya pakubinong’onela.

“Bo muno mukulonda ukuti abandu bababombeleghe umwe, mo mubabombeleghe mumo nanumwe.”—Luka 6:31.

Mubahobokeleghe abangi. Muketeghe inunu isi abangi bikubomba.

“Syo sya mahala ukuti umundu abughomoleghe ubukalale bwake. Linga yumo umundu akukalalisye gho mahala manunu linga utikusibikilako nu moyo.”—Isya Mbupingamu 19:11.

ISI TUKUBOMBA

Kuno mukwikala, Abaketi ba Yehova bikubakasya abandu ukuti babaghindikeghe abangi.

Tukubapa ubulongosi bwa mu Baibolo kisita kulipila loli tutikubafimbilisya ukukonga isi tukusubila. Mmalo mwake tukughelaghela ukukonga ubulongosi bwa mu Baibolo mwakubamanyisya amasyu amanunu “mbololo mwalughindiko.”—1 Peteri 3:15 (NWT); 2 Timoti 2:24.

Tutikusalana kangi tukubakolela abandu bosa ku ngomano aba bikulonda ukumanyila Ibaibolo. Tukughelaghela ukuya bololo ‘nukungindika umundu aliwesa.’—1 Peteri 2:17.

Tukupilikila indaghilo sya boma. (Baroma 13:1) Tukupilikila indaghilo nukubika unsongo. Kangi nalinga ukuti tutikweghapo ikighaba pa fyandyali, tukughindika ubwabuke bwa bangi.

LEMBUKA!