Nongwa Yafiki Abandu Batikwighindika?
NONGWA YAFIKI UKWIGHINDIKA KWAKULONDIWA?
Abandu aba bikwighindika bikughelaghela ukwifimbilisya mwakulimbana nindamyo pabumi bwabo. Abene batikuwa amaka mwanakalinga.
-
Abakufufuza baketile ukuti abandu aba bikwibona ukuti bakaya bakulondiwa, bikutamiwa naminong’ono kangi bikutamiwa ukulya. Abene bikunwa ubwalwa nimikota iyakusyutisya ubongo.
-
Abandu aba bikwighindika batikwifwanikisya nabangi, isi sikubatula ukuti bakolelaneghe fiyo nabinabo nukuya nabo pabumanyani bwamaka. Loli aba batikwighindika, utubalilo twingi batikubomba kanunu ifindu kangi isi sibaghile ukonanga ubumanyani bwabo nabangi.
-
Nalinga baghane ni ndamyo, abandu aba bikwighindika bikuya bakifu; abene batikwitikisya ikindu kimo ukuti kibatolesye ukufwanisya ubwighane bwabo. Mwakukindana na isi, abandu aba batikwighindika utubalilo twingi bikuketa utundamyo tunandi ukuya ndamyo nywamu isi sibaghile ukubatolesya ukufwanisya isi bikulonda. Isi sibaghile ukubapangisya ukuleka mwanakalinga ukufwanisya isi bikulonda.
ISI MUBAGHILE UKUBOMBA
Musaleghe abamanyani aba babaghile ukubakasya. Mwangaleghe nabandu balughindiko, aba babaghanile naloli kangi aba babaghile ukubakasya.
Mubatuleghe abangi. Linga muli nikisa nukubatula abangi ukongelelapo aba bakabaghila ukubabombela ifindu ifinunu—mukuya pakulwagha ulusekelo lwanaloli ulu lukwisa panongwa ya kupa. Mukuya pakuya balusekelo nalinga ukuti abandu bamo batikubaghindika panongwa yambombo syinu inunu.
Mubatuleghe abaninu ukuti bighindikeghe. Injila yimo iyi tubaghile ukubomba isi ko kubitikisya ukuti bamalane nindamyo pabene muno babaghile ukufwanisyila. Isi sikubatula abana ukumanya isi babaghile ukubomba linga baghene ni ndamyo.
ISI TUKUBOMBA
Ingomano sya Baketi ba Yehova nukumanyila ibaibolo kukubatula abandu bingi ukuchenja pabumi bwabo nukwanda ukwighindika.
INGOMANO SYITU SYA NKATI MWASABATA
Pangomano syitu sya nkati mwasabata, tukuhoboka ukupilikisya inkhani sya mu baibolo isi sili nifundo isyakututula muno tubaghile ukuyila bakwighindika. Ingomano syitu sya itolo kangi umundu aliwesa mwabuke ukwaghiwapo. Mwakifwanikisyo, pangomano syitu mukuya pakumanyila . . .
-
inongwa iyi muli bakulondiwa kwa Kyala
-
muno mubaghile ukumanyila ubwighane bwakuya nubumi
-
muno mubaghile ukuyila bamanyani banunu
Mukuya pakwaghana kangi nabamanyani aba “mukuya pakupakisaniagha.”—1 Bakorinti 12:25, 26.
Ukuti mumanye nyingi isyakufwana ningomano syitu, keta ividiyo pa jw.org iyakuti Ngimba Findu Fiki Fikubombiwa Panyumba ya Bunyafyale?
UKUMANYISYA IBAIBOLO
Tukumanyila nabandu Ibaibolo kisita kulipila mwakubombela ibuku ilyakuti Amuhobokeghe nu Bumi kwa Bwila na Bwila. Ibuku ili lili namalemba aghakulondiwa fiyo, ifundo isyakupilikiwa kanunu, amalalusyo aghakufika pandumbula, amavidiyo ni fithuzi ifinunu. Ukumanyila Ibaibolo kubatulile abandu ukumanya ukuti bakulondiwa nukuchenja pa bumi bwabo.
Ukuti mumanye muno ukumanyila Ibaibolo na Baketi ba Yehova kubaghile ukubatulila, ketelela ividiyo iyakuti Nongwa Yafiki Mukulondiwa Ukumanyila Ibaibolo? pa jw.org.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Ibaibolo Likuyoba Isyafiki pa Nkhani Yakwighana Wimwene?
Ngimba Yesu asanusyagha isyafiki apa atighi: “Unganeghe unnino bo apa wighanile wimwene?”
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.
ISYA USWE
Ingomano sya Kipanga sya Baketi ba Yehova
Londa kuno tubombela ingomano na muno tumanyilila
