ISI ABAKILUMYANA BIKULALUSYA
Ngimba Mbaghile Ukubomba Isyafiki Ukuti Ndyeghe Ifyakulya Ifya Magulu Ghosa?
Linga mutikulya ifyakulya ifya magulu ghosa, mubaghile ukonanga ubumi bwinu. Utubalilo twingi mundu uyu atikulya ifyakulya ifya magulu ghosa pakabalilo aka wakilumyana, ikukindilila itolo ukubomba bo sisisi nalinga akulile. Yonongwa yake pakabalilo aka muli bakilumyana kwakulondiwa fiyo ukuti mulyeghe ifyakulya ifya magulu ghosa.
Ngimba ifyakulya fya magulu ghosa findu fiki?
Ibaibolo likuyoba ukuti “twighelanieghe muli syosa,” isi sikongelelapo na pa nkhani ya fyakulya. (1 Timoti 3:11) Ubulongosi bwa mu Baibolo ubu, bukukutula ukumanya ukuti . . .
Tukulondiwa ukulya ifyakulya fya magulu ghosa. Ghalipo amagulu 5 gha fyakulya agha gho ulukama, amapulotini, iseke, iseke lya mani, ifyakulya fya magulu gha filombe nu mpunga. Bamo bikuleka ukulya ifyakulya fimo ukuti baleke ukutupa. Loli ifi fibaghile ukupangisya ukuti umbili winu ghuleke ukuya ni fyakulya fimo ifyakulondiwa fiyo.
Ghela ukubomba isi: Fufuza pamo ndalusya dokotala ukuti mumanye ubununu bwa kulya ifyakulya fya magulu ghosa. Mwakifwanikisyo:
Makalabohayidileti ghabaghile ukubapa amaka. Amapulotini ghikutula umbili winu ukuti ghulimbaneghe nu bubine kangi ukuti mukuleghe. Ifyakulya ifya mafuta manandi, fikutula ukuti muye ba maka nu kuleka ukubina ububine bwa ndumbula.
“Ngwiyula fiyo ukulya ifyakulya fya magulu ghosa. Bukaya butulanongwa ukulya switi pamo utufyakulya utu tukunong’omela. Loli kukaya kununu ukuti umundu alyeghe itolo ifyakulya ifi. Mukulondiwa ukwibikila umpaka.”—Brenda
Ifyakulya ifi fikaya fya magulu ghosa fili bo ikikota iki kikaya ni kilundi kimo
Mungakindagha umpaka. Apa tutikusanusya ukuti injala yibababaghe kwa kabalilo akatali kangi nukulya ifyakulya fi fingi fiyo pakabalilo kamokene.
Ghela ukubomba isi: Kwa mwesi ghumowene, keta muno mukulyela nu kwilalusya ukuti: ‘Ngimba mbombile kalinga ifi fiyobiwe pamwanya apa?’ Findu filiku ifi mukulondiwa ukuchenja ukuti mulyeghe ifyakulya fya magulu ghosa?
“Amasiku ghamo kunyuma, nalighanile ukulya ifyakulya ifi fikumba amaka, loli amasiku ghamo ngafilondagha. Ukufuma apa, nalyandile itolo ukuti linga nikwite ndekeghe ukulya. Palyeghile akabalilo ukuti mbombe isi, loli lino ngufwanisya ukulya ifyakulya fya magulu ghosa.”—Hailey
Ngimba mbaghile ukubomba isyafiki ukuti akabalilo kosa ndyeghe ifyakulya ifya magulu ghosa?
Mufimanyeghe ifyakulya ifi mukulondiwa ukulya. Ibaibolo likuti: “Uyu ikuketa nkyeni nukwiyula yo atikutoliwa ukufyagha.” (Isya Mbupingamu 21:5) Ukuti mulyeghe ifyakulya fya magulu ghosa, mukulondiwa ukufimanya ngani ifyakulya ifi fyo fyakulondiwa.
“Ukuti mulyeghe ifyakulya fya magulu ghosa, mukulondiwa ukwitendekesya, kangi kingi ifyakulya ifi fikupiyiwa pakaya. Nalinga fibaghile ukuboneka ukuti bo fya kutamya, loli pabumalilo fikubatula ukuti muleke ukonanga indalama.”—Thomas
Mulyeghe ifyakulya ifinunu komma ifi fikaya fyakulondiwa. Ibaibolo likuti: “Ubumilileghe ubumanyi.” (Isya Mbupingamu 3:21) Amahala ghabaghile ukubatula ukuti mumanye muno mubaghile ukutendekesyela ifyakulya fya magulu ghosa.
“Isiku lililyosa nalyandile ukulya ifyakulya ifi finunu m’malo mwa fyakulya ifi fikabaghila ukundula. Mwakifwanikisyo, m’malo mwa kulya abaswiti, nalyagha apulo. Pakalyeghile akabalilo akatali, nalyandile ukulya ifyakulya ifi fyandulagha m’malo mwa kuya bize na ifi fikabaghila ukundula.”—Kia.
Komma ukughulila ifi mukabaghila ukufwanisya. Ibaibolo likuti: “Ulyeghe itolo ifyakulya fyako, wikyeleghe.” (Undumbulili 9:7) Ukulya ifyakulya fya magulu ghosa fitikusanusya ukuti muleke ukulya ifyakulya ifi fikaya kanunu pamo ukwinong’onela itolo ifyakula ifi mukulya akabalilo kosa. Nalinga mukulonda ukuti mungatupagha, loli mukulondiwa ukumanya ukuti ikyakulondiwa fiyo ko kuya nu bumi ubununu. Yonongwa yake, komma ukughulila ifindu ifi mukabaghila ukufwanisya.
“Mwalululu apa umbili wangu ghuchepile pabupipi amakilogilamu 14. Loli pakabalilo kosa aka nalyagha mwakufwana ifyakulya fya magulu ghosa, kangi ngadandabulagha linga ndile ifyakulya fya shuga. Ngetile ukuti pikwegha akabalilo ukuti umundu achepesye umbili.”—Melanie.