Nasimo indaghilo mu Baibolo pa nkhani isi. Loli muli fundo isi sikututula ukumanya muno Kyala ikusiketela inkhani isi. Isagha twinong’onelepo ifundo isi sikwaghiwa mu mavesi agha:

•   “Amufighogheghe ifinyonywa fyinu ifya mbili, muno mukufuma ubulowe nu bunyali.” (Bakolosi 3:5) M’malo mwa kupangisya ukuti ikinyonywa kya kughonana kifweghe, ukuketelela ifithuzi fyamwiko kukukusya ikinyonywa iki. Ukuketelela ifithuzi fyamwiko, kukumpangisya umundu ukuya n’nyali pamaso gha Kyala.

•   “Wesa uyu linga ikunketela unkikulu mbunyonywe bwa bulowe bo aloghile nawe mundumbula yake.” (Matai 5:​28) Ifithuzi fyamwiko fikumpangisya umundu ukuti ayeghe na minong’ono amabibi agha ghabaghile ukumpangisya ukuti abombe ifindu ifibibi.

•   “Ubulowe nubunyali bosa pamo ubunyonywa tosa fingayobiwagha nkati mmyinu.” (Baefesi 5:3) Tutikulondiwa ukuyoba isya bulowe nubunyali bosa pamo ubunyonywa tosa kangi tukulondiwa ukuleka ukuketelela nukubelenga inkhani sya bulowe.

•   “Isyene imbombo sya mbili isi sili pa bwelu syo isi, ubuhahani, ubunyali, . . . nifingi ifi fifwene bo fififi. Nikubabulila ngani bo muno nababulile pakwanda ukuti aba bikubomba bo sisisi batisakubwingilapo ubutwa bwa Kyala.” (Bagalatia 5:​19-​21) Kyala ikuketa ukuti abandu bosa aba bikuketelela ifithuzi fyamwiko pamo aba bikutumilana amameseji gha fyakughonana, ukuya banyali. Linga twighanile ukuketelela ifyamwiko, Kyala abaghile ukuleka ukutughana.