Ngimba Ibaibolo Libaghile Ukundula Ukuya ni Mbumba ya Lusekelo?
Isi Ibaibolo Likuyoba
Ena. Pasi apa pali ubulongosi bumo ubununu ubu bufumile mu Baibolo kangi butulile amamiliyoni gha banyambala na bakikulu ukuti baye nu lusekelo mu mbumba:
Lembesya ubweghi bwinu. Ukulembesya ubweghi ku boma yo faundeshoni wa kuya nu lusekelo mu mbumba.—Matai 19:4-6.
Mughananeghe nu kughindikana. Isi sikongelapo ukumbombela unkasi pamo undume winu isi mukulonda ukuti ababombeleghe.—Matai 7:12; Baefesi 5:25, 33.
Mungayobelanagha amasyu gha bukali. Mugheleghele ukuyoba amasyu gha kisa nalinga unkasi pamo undume winu ayobile pamo akubombile ifyakulisya. (Baefesi 4:31, 32) Pa lemba lya Isya Mbupingamu 15:1, Ibaibolo likuti: “Ukwamula mbutengamoyo, kukubotesya ubukalale, loli ukwamula mbukalale kukusumusya ingalalisi.”
Muyeghe basubiliwa. Kom’ma ukumunangisya umundu uyungi ulughano ulu lukulondiwa ku nkasi pamo ku ndume winu mwene. (Matai 5:28) Ibaibolo likuti: “Ubweghi bwimikiweghe na bandu bosa kangi abanyambala na nabakasi babo bayeghe basubiliwa uyu kun’ne uyu kun’ne.”—Bahiburi 13:4.
Mubamanyisye abana binu mwalughano. Leka ukubalekelela abana pamo ukubabombela mwankhaza.—Isya Mbupingamu 29:15; Bakolosi 3:21.
Lumo Mubaghile Ukulonda Ukumanya Isya Nkhani iyi
MUBAGHILE UKUYA NULUSEKELO M’NYUMBA YINU
Munsubileghe Kyala Ukuti Muye Nulusekelo Mbweghi
Ghalipo amalalusyo mabili agha ghabaghile ubatula mbweghi bwinu.
AMALALUSYO AGHA IBAIBOLO LIKWAMULA
Ngimba Ibaibolo Likuyoba Isyafiki Isyakufwana nu Bweghi?
Ifundo sya mu Baibolo sibaghile ukubatula aba bali pabweghi ukulimbana ni ndamyo.
UBWEGHI NI MBUMBA
Imbumba Yalusekelo: Ukunangisania Ulughano
Imbombo, ukuwa amaka, ni fyakubombiwa ifya isiku ni siku fibaghile ukupangisya abeghe ukuti banangisanieghe panandi ulughano. Ngimba tubaghile ukunangisya ulughano lwanaloli?
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.