Ilisyu lyakuti Helo (ili mu Chihiburi bikuti “Sheole” na mu Chigiriki “Hadesi”) likusanusya ukuti maleke, komma malo ghakochelako abandu. Ngimba bobanani aba bikubuka ku helo? Abandu bosa abanunu na babibi. (Jobu 14:13; Salimo 9:​17) Ibaibolo likuti mapumba “yo nyumba iyi abandu bosa bikubunganako.”​—Jobu 30:23. NWT

 Yesu yope abikiwe mu hadesi bo afwile. Umwene ‘akalekiwe mu sheole’ Kyala alinsusisye ku bufwe.​—Imbombo sya Batumiwa 2:​31, 32, The Bible in Basic English.

Ngimba aba bali mu helo bikwisa kusokamo?

 Yesu isakubasusya bosa aba bali mu helo, pakubombela amaka gha Kyala. (Yohani 5:​28, 29; Imbombo sya Batumiwa 24:15) Pakuyoba isya kusyuka, ubusololi bwa pa Ubusetuli 20:13 bukuti ‘ubufwe na helo filinkubasakula aba bali mumo.’ (The Bible in Basic English) Linga mu helo abandu basokilemo, helo atisa kuyako kangi. Nayumo uyu isakubikiwagha kangi mu helo panongwa yakuti “bope nubufwe butisa kuyako kangi.”​—Ubusetuli 21:​3, 4; 20:14.

 Bakaya bandu bosa aba bikubikiwa mu helo linga bafwile. Ibaibolo likuyoba ukuti abandu bamo bikubombela dala imbibi kangi bitikupela. (Bahiburi 10:26, 27) Linga abandu aba bafwile batikubuka ku helo, loli bikubuka mu Gehena, uku kukwimila ukupyutiwa kwa bwila na bwila. (Matai 5:​29, 30) Mwakifwanikisyo Yesu ayobile ukuti abalongosi ba matchalichi aba babombagha ifyabutungulu nkabalilo kake bisa kubukagha ku Gehena.​—Matai 23:27-​33.