Ukuya bikemo kukusanusya ukuya kubutali ni findu ifi fibaghile ukonanga akayilo kitu akanunu. Mu chihiburi amasyu ghakuti “bwikemo” ghikusanusya “ukulekana.” Yonongwa ikindu ikyelu kitikubombeliwa imbombo akabalilo kosa, fiyofiyo panongwa yakuti kyelu kangi kikemo.

 Kyala mwikemo ukukinda fyosa. Ibaibolo likuti: ‘Akayako nayumo uyu yo mwikemo bo yu Yehova.’ a (1 Samueli 2:2) Yonongwa tubaghile ukuti Kyala yo uyu ikutupa utuyilo twa bwikemo.

 Ilisyu ilyakuti “mwikemo” libaghile ukubombeliwa pakindu kilikyosa iki kikukolelana na Kyala, fiyofiyo ifindu ifi fipaghuliliwe ukuti fibombeliweghe pakwiputa. Mwakifwanikisyo Ibaibolo likuyoba isya:

•   Amalo amikemo: Kyala alimbulile Mose pabupipi nu lulapi lwa moto ulu lwafumagha ndusingi ukuti: “Buno ubuyo ubu wimilepo bwikemo.”—Ukusoka 3:2-5.

•   Ifyakubombiwa ifikemo: Akabalilo kosa Abaisraeli bamwiputagha Yehova palusekelo ulu lwakoleliwagha ukuti “ingomano inyikemo.”—Abanyalevi 23:37.

•   Ifindu ifikemo: Ifindu ifi babombelagha pa kumwiputa Kyala pa tempile mu Yerusalemu fyakoleliwagha ukuti “ifibombelo ifisunguliwa.” (1 Abanyafyale 8:4) Ifibombelo ifisunguliwa ifi fyaghindikiwagha fiyo nalinga bakafyiputagha. b

 Ena. Kyala ikubabula Abakristu ukuti: “Mwisakuyagha bikemo bo papo nanine ndi mwikemo.” (1 Peteri 1:16) Syabwanaloli ukuti umundu untulanongwa akabaghila ukufika pa bwikemo bwa Kyala. Loli abandu aba bikupilikila indaghilo isya bugholofu isya Kyala babaghile ukuyobiwa ukuya ‘bikemo kangi bakyeliwa kwa Kyala.’ (Baroma 12:1) Umundu uyu ikwiyula ukuya mwikemo ikunangisya isi m’masyu na mfyakubombiwa fyake. Mwakifwanikisyo, ikukonga ubulongosi bwa mu Baibolo pa nkhani yakuya “belu nu kwepukako kubulowe” kangi ukuya “mwikemo ndwendo losa.”—1 Batesalonike 4:3; 1 Peteri 1:15.

 Ena. Linga umundu alekile ukukonga utuyilo utununu, Kyala akabaghila ukunketa ukuya mwikemo. Mwakifwanikisyo, ibuku lya Bahiburi ili likwaghiwa mu Baibolo, likuti “bamyitu bikemo,” loli likutusoka ukuti tubaghile ukuya “nindumbula imbibi iyakunkana Kyala umumi.”—Bahiburi 3:1, 12.

 Ubutungulu: Kisita pakwegha kukupangisya umundu ukuti ayeghe mwikemo.

 Ubwanaloli: Linga Ukristu asalile ukuleka pakwegha, Isi sitikusanusya ukuti mwikemo pamaso gha Kyala. Loli ubwanaloli bo bwakuti umundu uyu akegha pamo ukweghiwa akuya na kabalilo akanywamu akakumbombela Kyala. (1 Bakorinti 7:32-34) Loli Ibaibolo likuyoba kangi ukuti abandu aba bali mbweghi bope babaghile ukuya bikemo. Ubwanaloli bwakuti, yumoywene mwa bafundiwa ba Yesu—Peteri—yo alyeghile.—Matai 8:14; 1 Bakorinti 9:5.