Ɛnee Gyisɛse ɛnle sonlakpalɛ ala. Yeanyɛ boɛ fee la, yemɔ a menli dɔɔnwo ze ɔ nwo edwɛkɛ wɔ alesama tetedwɛkɛ nu a. Tie mɔɔ tetedwɛkɛ nee mbuluku kɛlɛvoma ɛhye mɔ mɔɔ ɛlie duma la ɛha ye wɔ ɔ nwo la:

 “Gyisɛse mɔɔ vi Nazalɛte la . . . le awie mɔɔ menli dɔɔnwo ze ɔ nwo edwɛkɛ wɔ tetedwɛkɛ nu.”​—H. G. Wells, Nrelenza tetedwɛkɛ kɛlɛvolɛ.

 “[Gyisɛse] ɛbɛlabɔlɛ nwo edwɛkɛ a menli dɔɔnwo ze wɔ azɛlɛ ye azo a, yɛɛ ɔ nwo edwɛkɛ ɛlɛkɔ zo adɛlɛ.”​—Kenneth Scott Latourette, America tetedwɛkɛ nee mbuluku kɛlɛvolɛ.

 Baebolo ne ka deɛmɔti menli dɔɔnwo ze Gyisɛse anwo edwɛkɛ tɛla sonlakpalɛ biala mɔɔ ɛdɛnla aze ɛlɛ la. Mekɛ mɔɔ Gyisɛse bizale ye ɛdoavoalɛma mɔɔ bikye ye kpalɛ la kɛ bɛdwenle kɛ ɔle nwane la, bɛ nuhua ko buale ye nɔhalɛ nu kɛ: “Wɔmɔ a ɛle Kelaese ne, tease Nyamenle ne Ara ne a.”​—Mateyu 16:16.